17:34, 15 - قاڭتار 2020 | GMT +6
قازاقستاندىقتار 2019 -جىلى 15 مىڭنان استام التىن قۇيما ساتىپ الدى
الماتى. قازاقپارات - 2019 -جىلى قازاقستاندىقتار 15732 التىن قۇيما ساتىپ الدى، دەپ حابارلايدى قازاقپارات ءتىلشىسى.ق ر ۇلتتىق بانكى حالىق ءۇشىن تازارتىلعان التىن قۇيمالاردى ساتۋ جانە ساتىپ الۋ باعدارلاماسىن 2017 -جىلى باستادى.
ۇلتتىق بانكتىڭ حابارلاۋىنشا، 2019 -جىلى جالپى سالماعى 469,320 گرامم (469 كەلى) بولاتىن 15732 التىن قۇيما ساتىلدى.
باعدارلاما اياسىندا قۇيمالار 2017 -جىلعى ماۋسىمنان باستاپ ەكىنشى دەڭگەيلى بانكتەر ارقىلى (قازاقستان حالىق بانكى، ەۋرازيالىق بانك، جۋسان بانكى) جانە 2018 -جىلدىڭ جەلتوقسانىنان باستاپ ايىرباستاۋ پۋنكتتەرى ارقىلى ساتىلادى. ساتۋ ستاتيستيكاسىنا سۇيەنسەك، قاتىسۋشى بانكتەر اراسىندا حالىق بانكى كوش باستاپ تۇر.
قۇيمالاردىڭ 5, 10, 20, 50 جانە 100 گرامدىق بەس ءتۇرى بار. كوبىنە 5 گرامدىق التىن قۇيما ساتىلعان (%32) .
ۇلتتىق بانكتىڭ مالىمەتى بويىنشا ءبىر گرامم التىننىڭ قۇنى 18842,31 تەڭگەنى قۇرايدى.