قازاقستاندىقتار 2018 -جىلى ينتەرنەتتە نە ىزدەدى
الەمنىڭ جەتەكشى ىزدەۋ جۇيەلەرى جىل سوڭىندا پايدالانۋشىلاردىڭ ەڭ كوپ قويعان ساۋالدارىن جاريالادى.
بيىل قازاقستاندىقتار Google-دان ەڭ كوپ ىزدەگەنى - جىلدىڭ باستى وقيعالارىنىڭ ءبىرى رەسەيدە وتكەن «2018 -جىلعى الەم چەمپيوناتى» بولدى. سونداي-اق ساۋالداردىڭ ءبىرىنشى وندىعىندا «كۇندەلىك» ەلەكتروندىق كۇندەلىگى، «ماجور»، «رۋبليەۆكادان شىققان پوليتسەي»، «اققان جۇلدىزدار باعى» سەريالدارىنىڭ ءتۇرلى ماۋسىمدارى جانە «ءسۇربويداق» تۆ-شوۋى بار. بۇدان باسقا، Google-دىڭ قازاقستاندىق پايدالانۋشىلارى 2018 -جىلعى فيلمدەر، قازاقشا- ورىسشا سوزدىك جانە 2018 -جىلعى مۇسىلماندار ورازاسىنىڭ كەستەسىن ىزدەگەن.
قايعىلى قازاسى قازاقستاندى عانا ەمەس، بۇكىل الەمدى ءدۇر سىلكىندىرگەن تانىمال مانەرلەپ سىرعاناۋشى دەنيس تەن ىزدەۋ جۇيەسىندە «جىل تۇلعاسى» اتاندى. ەكىنشى ورىندا بيىلعى جىلدىڭ جازىندا قايتىس بولعان امەريكالىق بوكسشى Xxxtentacion-نىڭ ەسىمى تۇر. ىزدەۋ جۇيەسىندەگى ەڭ تانىمال تۇلعالار ۇشتىگىن UFC-دىڭ ارالاس جەكپە-جەك بويىنشا الەم چەمپيونى، رەسەيلىك سپورتشى حابيب نۇرماعامەدوۆ تۇيىقتاعان. بۇدان باسقا، قازاقستاندىقتار ستيۆەن حوكينگ، مەگان ماركل، ستەن لي، كونور ماكگرەگور، يوسيف كوبزون، حورۆاتيا پرەزيدەنتى، سونداي-اق ولەگ تاباكوۆ تۋرالى مالىمەت ىزدەگەن.
ال فيلمدەر اراسىندا ورمەكشى ادامنىڭ قاس دۇشپانى - قاتىگەز قۇبىجىق ۆەنوم تۋرالى كينوكوميكس كوش باستاپ تۇر. بۇدان باسقا، ۇزدىك 10 ءفيلمنىڭ تىزىمىنە كوميكستەر نەگىزىندە قۇرىلعان بىرنەشە فيلم كىرگەن: «كەك الۋشى: شەكسىز سوعىس»، «دەدپۋل 2» جانە «قارا پانتەرا». سونداي-اق قازاقستاندىقتار «قۇبىجىقتار دەمالىستا 3» مۋلتفيلمى، «سۇردىڭ 50 رەڭكى» رومانىنىڭ جالعاسى، «ورگە قاراي قوزعالىس» سپورت دراماسى، «فانتاستيكالىق ماقۇلىقتار: گريندەلۆالد قىلمىستارى» فانتاستيكالىق فيلمى تۋرالى اقپارات ىزدەگەن. وتاندىق فيلمدەردىڭ ىشىندە ەڭ كوپ ىزدەلگەندەرى: «امەريكاداعى قازاقشا بيزنەس» جانە «اعا نەمەسە نەكە» كارتينالارى.
«جىل سەريالى» كاتەگورياسىندا قازاقستاندىقتاردى ەڭ كوپ قىزىقتىرعان - «ماجور-3» سەريالى. سونداي-اق 2018 -جىلى ەلىمىزدە «رۋبلەۆكادان شىققان پوليتسەي»، «اققان جۇلدىزدار باعى»، «يۆانوۆتار يۆانوۆتار» جانە «گراند ليون» سەريالدارى تانىمال بولدى.
سونداي- اق بيىل قازاقستاندا Google پايدالانۋشىلارى اراسىندا ەڭ تانىمال تۆ-شوۋ «ءسۇربويداق» شوۋىنىڭ 6- ماۋسىمى بولدى. بۇدان باسقا، وتانداستارىمىزدى «ت ن ت- داعى اندەر»، «بۋزوۆاعا تۇرمىسقا شىعۋ»، «ەكستراسەنستەر ايقاسىنىڭ» 19- ماۋسىمىن، «ەۆروۆيدەنيە 2018» جانە «ءۇي 2» ەرەكشە قىزىقتىردى. قازاقستاندىق تۆ-شوۋ اراسىندا ەڭ تانىمال بولعانى - «قالاۋلىم».
2018 -جىلى «جىلدىڭ ۇزدىك ساتىلىمى» ساناتىندا تاعى دا تەمىرجول بيلەتتەرى جەڭىمپاز بولدى. سونداي- اق قازاقستاندىقتار الماتىدا تۇرعىن ءۇي، ۇشاق نەمەسە كينوعا بيلەت، قاراعاندىدا ۆەلوسيپەد جانە پاتەر ساتىپ الۋ تۋرالى اقپاراتتى كوپ ىزدەگەن.
Youtube-قا كەلەتىن بولساق، مۋزىكالىق ۆيدەولاردىڭ اراسىندا 2018 -جىلى قازاقستاندا ەڭ كوپ قارالعانى - ورالدىق دۋەت «رايىم مەن ارتۋردىڭ» «90-جىلدارعى ديسكوتەكا» بەينەبايانى. بۇل تىزىمدە سونداي-اق ورنالاسقان كليپتەر: Alem Band - قالاۋىم، Jah Khalib - مەدينا، قايرات نۇرتاس جانە زاڭعار نۇرتاس - My Universe, KeshYou جانە Baller - Swala La La (« سيسيتاي» فيلمىنە وst)، ەگور كريد feat. فيليپپ كيركوروۆ - كوڭىل-كۇيىمنىڭ رەڭكى قارا، BN x Raim جانە Artur - ەڭ تاماشا، Ka Re - جان جارىم، تورەعالي تورەالى جانە ءمولدىر اۋەلبەكوۆا - قوشتاسۋدىڭ قيىن-اي ي ادلەر كوتسبا، Timran - جارىمنىڭ ءيىسى.
YouTube ىزدەۋ جۇيەسى ارقىلى قازاقستاندا ەڭ تانىمال بولعان ۆيدەو - وتاندىق «اعا نەمەسە نەكە» كومەدياسى. سونداي-اق تىزىمگە «ونەر قىراندارى» تەاترىنىڭ كورسەتىلىمدەرى، كومەديالىق سكەتچتەر كىرگەن.
ياندەكس تە بيىلعى جىلى قازاقستان تۇرعىندارىنىڭ ەرەكشە نازارىندا بولعان تاقىرىپتار ءتىزىمىن جاريالادى. ەسەپتەۋ بويىنشا 2018 -جىلعى 1 -قاڭتاردان 19 -قاراشاعا دەيىنگى سۇراۋ تۋرالى مالىمەتتەر الىندى.
ياندەكس-تىڭ نۇسقاسى بويىنشا، قازاقستاندىقتار ءۇشىن ەڭ تانىمال وقيعالار - فۋتبولدان الەم چەمپيوناتى، پحەنچحانداعى قىسقى وليمپيادا، نۇرماعومەدوۆ پەن ماكگرەگوردىڭ جەكپە- جەگى بولدى. ەڭ تانىمال تۇلعالاردىڭ اراسىندا حابيب نۇرماعومەدوۆ، نوا سايرۋس، امان تولەيەۆ جانە وتانداسىمىز ءنازيما جانىبەكوۆا بار. ەڭ تانىمال فيلمدەر - «كەك الۋشىلار: شەكسىز سوعىس»، «ۆەنوم» جانە «دەدپۋل 2». مۋزىكانتتار اراسىندا Raim جانە Artur دۋەتىنىڭ «ەڭ بيىك مۇنارا» ءانى كوش باستاپ تۇر.
ايتا كەتەيىك، تاياۋدا ارتىستەر «جىل تاڭداۋى» سىيلىعىن الدى، ونى جاس انشىلەرگە ق ر اقپارات جانە كوممۋنيكاتسيالار ءمينيسترى داۋرەن ابايەۆ تابىستادى.
اۆتورى البەرت احمەتوۆ