ستۋدەنت قىز «اقتاۋ ارۋى-2018» بايقاۋىنىڭ جەڭىمپازى اتاندى

None
None
 استانا. قازاقپارات - دينارا سارىيەۆا «اقتاۋ ارۋى-2018» بايقاۋىنىڭ جەڭىمپازى اتاندى.

18 جاستاعى بويجەتكەن قازىلار القاسىنىڭ جۇرەگىن جاۋلاپ العان دەپ حابارلايدى NUR. KZ.

بايقاۋ بەس كەزەڭنەن تۇرعان: فلەش-موب، ءوزىن تانىستىرۋ، دەفيلە، اقتاۋ تۋرالى حيكايا جانە ونەر كورسەتۋ.

وسى كەزەڭدەردىڭ ناتيجەلەرى بويىنشا قازىلار القاسى دينارا سارىيەۆانى جەڭىمپاز دەپ تاپتى.



دينارا ش. ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىندە وقيدى.

بويجەتكەن بايقاۋدىڭ سوڭىنا دەيىن وزىنە سەنىمسىز بولعانىن مالىمدەدى.

«اقتىق سايىستا «ۆيتسە-ارۋ» لاۋازىمىن جەڭىپ العان قىزدىڭ تەگىن ەستىگەندە، قانداي دا ءبىر لاۋازىم الۋ مۇمكىندىگىم ازايىپ بارا جاتقانىن ءتۇسىنىپ، جىلاپ جىبەرە جازدادىم. ءبىراق سوسىن مەنىڭ ەسىمىم مەن ءنومىرىمدى اتادى، سول ساتتە ەڭ ۇزدىك بولعانىمدى ءتۇسىندىم»، - دەپ اعىنان جارىلدى دينارا.

بويجەتكەننىڭ بويى 180 سانتيمەترگە جۋىق، پارامەترلەرى: 92-72-100.

بۇل كورسەتكىشتەر ايەل سۇلۋلىعىنىڭ قالىپتاسقان پارامەترلەرىنە ساي بولماسا دا، دينارا اقتاۋ قالاسىنىڭ ەڭ سۇلۋ ارۋى بولىپ تانىلدى.

بويجەتكەن جاقىندارى مەن دوستارىنا، اسىرەسە مودەلدەر مەكتەبىنىڭ جەتەكشىسى تاتيانا نيكولايەۆنا كوروبەينيكوۆاعا العىسىن ءبىلدىردى.

«جاقىندارىم مەن تانىستارىمنىڭ، ۇستازدارىمنىڭ قولداۋىنسىز بۇل قولىمنان كەلمەس ەدى. وسى جەتىستىككە سولاردىڭ ارقاسىندا قول جەتكىزىپ تۇرمىن»، - دەپ دينارا سارىيەۆا باسا ايتىپ ءوتتى.

سوڭعى جاڭالىقتار