ون توعىز جاستاعى ستۋدەنت قىز «پاۆلودار ارۋى-2018» اتاعىن جەڭىپ الدى
كونكۋرس ناتيجەسى بويىنشا 19 جاستاعى مادينا باتىق ەسىمدى ستۋدەنت قىز جەڭىسكە جەتتى. ال شارادان جينالعان قارجى قايىرىمدىلىق قورىنا جۇمسالادى دەپ حابارلايدى NUR. KZ ءتىلشىسى.
بايقاۋدىڭ فينالدىق كەزەڭىنە تەك توعىز بويجەتكەن عانا وتكەن. فيناليستەر شىعارماشىلىق سايىستا دا باق سىناپ، ءسان كەزەڭىندە دە ونەر كورسەتتى.
ال جەڭىمپاز ارۋ تۋرالى ايتار بولساق، ول پاۆلودار مەملەكەتتىك ۋنيۆەرسيتەتىندە حيميالىق تەحنولوگيالار جانە جاراتىلىستانۋ فاكۋلتەتىندە ««تۋريزم» ماماندىعىندا وقيدى.
جاستايىنان ونەرگە جاقىن بولعان مادينا باتىق 14 جاسىندا بالعابىل جالقىبايەۆ اتىنداعى ونەر مەكتەبىندە حورەوگرافيالىق ءبىلىم العان.
ساۋالنامادا مادينا بىرنەشە رەت قالالىق جانە وبلىستىق دەڭگەيدەگى عىلىمي كونفەرەنتسيالارعا قاتىسقانىن كورسەتكەن.
سونداي-اق، ول شەت تىلدەرىن وقۋ مەن سۋرەتكە ءتۇسىرۋدى ۇناتاتىنىن ايتىپتى. ەندى ول پاۆلوداردى رەسپۋبليكالىق سۇلۋلىق بايقاۋىندا تانىستىراتىن بولادى.
ايتا كەتۋ كەرەك، 19 جاستاعى ايناگۇل ايانوۆا «ءبىرىنشى ۆيتسە-ارۋ» اتاعىنا يە بولدى.
بايقاۋدا جينالعان اقشا پاۆلودارسكوە اۋىلىنداعى ورتتەن زارداپ شەككەن، تۇرمىسى تومەن وتباسىعا بەرىلەتىن بولادى.