ازيادا-2018: قازاقستان قۇراماسى نەشىنشى ورىندا؟

استانا. قازاقپارات - 2- قىركۇيەككە دەيىن سوزىلاتىن ازيادا ويىندارىندا قازاقستان 1 التىن، 5 كۇمىس، 7 قولا مەدالمەن رەيتينگتە ونىنشى ورىندا كەلەدى، دەپ حابارلايدى قازاقپارات ءتىلشىسى.

ايتا كەتسەك، يندونەزيادا ءوتىپ جاتقان 2018-جىلعى ازيا ويىندارىنىڭ العاشقى كۇنى قازاقستاندىقتار التىن، كۇمىس جانە ەكى قولا مەدال جەڭىپ العان بولاتىن. «التىندى» سەمسەرلەسۋشى دميتري الەكسانين، «كۇمىستى» ەركىن كۇرەستەن دانيار قايسانوۆ، ءدال وسىنداي سپورت تۇرىنەن ساياتبەك وقاسوۆ مەن ادىلەت داۆلۋمبايەۆ قولا مەدالداردى يەلەنگەن.

ازيادا ويىندارىنىڭ ەكىنشى كۇنى (20 تامىزدا) ەل قورجىنىنا كۇمىس جۇلدە بۇيىردى. ونى وسىعان دەيىن حابارلاعانىمىزداي ەكىنشى ورىندى ايەلدەر كۇرەسىنەن جۇلدىز ەشىموۆا جەڭىپ العان ەدى.

ءدال وسى كۇنى تاەكۆوندوشى فاريزا الدوڭعاروۆا ەل قورجىنىنا تاعى ءبىر قولا مەدالدى الىپ بەرگەن.

تارتىستى سايىستىڭ ءۇشىنشى كۇنى قازاقستان قورجىنىنا ءبىرشاما مەدال ءتۇستى. دەگەنمەن، مەدالداردىڭ ىشىندەگى «التىنى» ءالى دە بۇيىرماي تۇر. التىننان كەيىنگى كۇمىس جۇلدەنى بۇگىن ۇلتتىق قۇراماعا تاەكۆوندوشى جانسەل دەنيز، بالۋان المات كەبىسپايەۆ، سۋداعى پولودان قازاقستاننىڭ ايەلدەر قۇراماسى الىپ بەردى. ال قولا مەدال ماۋنتينبايكەر كيريلل كازانتسيەۆ، بالۋاندار ەلميرا سىزدىقوۆا مەن مەيرامبەك ايناعۇلوۆ، تاەكۆوندوشى رۋسلان جاپاروۆقا بۇيىردى.

اۆتور: ايان بەكەن ۇلى