قانات يسلام «كونفەدەراتسيا كۋبوگى - 2018» جارىسىنىڭ جەرەبە تارتۋ راسىمىنە قاتىستى
جەرەبە تارتۋ راسىمىنە كاسىپقوي بوكستا جۇرگەن بەلگىلى بوكسشىلار قانات يسلام مەن ماديار اشكەيەۆتەر قاتىستى.
ق ر ۇلتتىق وليمپيادا كوميتەتىنىڭ پرەزيدەنتى تيمۋر ق ۇلىبايەۆتىڭ باستاماسىمەن قولعا الىنعان بىرەگەي جوبا بيىل ءۇشىنشى رەت ۇيىمداستىرىلعالى وتىر.
جارىستىڭ باستى ەرەكشەلىگى - كورەرمەندەر سايىستىڭ بوكس، گرەك- ريم، ەركىن كۇرەس، دزيۋدو، قازاق كۇرەسى جانە تاەكۆوندو سياقتى سپورت تۇرلەرى بويىنشا ءبىر مەزەتتە تاماشالاي الادى.
17 كوماندا 4 توپقا ءبولىنىپ قازان ايىندا سەمەي، تالدىقورعان، اتىراۋ جانە پەتروپاۆل قالالارىندا ىرىكتەۋ كەزەڭدەرىن وتكىزەدى. ىرىكتەۋ كەزەڭىنەن ىركىلمەي وتكەن ۇزدىك كوماندالار جەلتوقسان ايىنىڭ 8-9 ارالىعىندا الماتى قالاسىندا وتەتىن اقتىق كەزەڭدە باقتارىن سىنايتىن بولادى.
جەرەبە ناتيجەسى مىناداي:
ا توبى: سەمەي (ش ق و) ، قوستاناي وبلىسى، باتىس قازاقستان وبلىسى، پاۆلودار وبلىسى
B توبى: تالدىقورعان (الماتى وبلىسى) ، اقتوبە وبلىسى، قاراعاندى وبلىسى، استانا، شىمكەنت
س توبى: اتىراۋ وبلىسى، الماتى قالاسى، جامبىل وبلىسى، ماڭعىستاۋ وبلىسى
D توبى: پەتروپاۆل (سقو) ، اقمولا وبلىسى، قىزىلوردا وبلىسى، تۇركىستان وبلىسى
ايتا كەتسەك، كونفەدەراتسيا كۋبوگى - ق ر ۇلتتىق وليمپيادالىق كوميتەتىنىڭ پرەزيدەنتى تيمۋر ق ۇلىبايەۆتىڭ باستاماسىمەن قولعا الىنعان بىرەگەي تىڭ جوبا. جارىستىڭ جالپى جۇلدە قورى 145 ميلليون تەڭگەنى قۇرايدى.