جاعاجاي فۋتبولىنان ەۋروليگا-2018: ق ر قۇراماسى ءوز توبىندا جەڭىسكە جەتتى

ماسكەۋ. قازاقپارات - بۇگىن جاعاجاي فۋتبولىنان قازاقستان قۇراماسى 2018-جىلعى ەۋروليگا تۋرنيرىنىڭ توبىندا جەڭىسكە جەتتى، دەپ حابارلايدى قازاقپارات ق ر فۋتبول فەدەراتسياسىنا سىلتەمە جاساپ.

ەۋروليگا-2018 توپتىق ساتىسىنىڭ ەكىنشى كەزەڭىنىڭ سوڭعى ويىنىندا ەرلان جامانتايەۆ جاتتىقتىراتىن جاعاجاي فۋتبولىنان ۇلتتىق قۇرامامىز ليتۆانى ۇتتى.

العاشقى ەكى كەزەڭنىڭ ناتيجەسى بويىنشا ەسەپ تەڭ بولدى - 2:2. ستانيسلاۆ ماكاگون مەن بايانبەك مۇرالينوۆتىڭ گولدارىنا ليتۆالىق ادريۋس پليتنيكاس پەن ايۆاراس مەشكينيس جاۋاپ بەرە الدى.

سوڭعى كەزەڭدە ءبىزدىڭ قۇراما باسىمدىقتى قولعا الدى. مۇرالينوۆ پەن دەمەشكونىڭ ءدۋبلى جانە تيۋلپانىڭ گولى كوماندامىزعا جەڭىس اكەلدى، ەسەپ - 7:5.

بۇنىڭ الدىنداعى ماتچتاردا جاعاجاي فۋتبولشىلارىمىز مولدوۆا مەن گرەكيا قۇرامالارىن جەڭگەنىن جازعان بولاتىنبىز. وسىلايشا، ق ر ۇلتتىق قۇراماسى ءۇش ماتچتا شەبەرلىكتەرىن دالەلدەپ، 3- توپتا ءبىرىنشى ورىنعا يە بولدى. ەندى كوماندامىز پرومو-فينالدا وينايتىن بولادى.

تۋرنير ويىندارى ماسكەۋدە وتۋدە.