استانادا «جاس قانات-2018» بايقاۋىنىڭ جەڭىمپازى انىقتالدى
«التىن قانات» يەگەرى اتانۋى ءۇشىن 5 فيناليست باق سىنادى: باقتيار اقىلبەك - استانا، زاميرا ساعاديەۆا - استانا، سىمبات سەيىلحانوۆا - الماتى، ريزا ماعزوم - ورال، ارماناي ءابدىمومىنوۆا - قاراعاندى.
كونكۋرستىڭ ەرەجەسى بويىنشا فينالدا الدىڭعى ەكى كۇندەگى جەتىستىكتەر ەسەپتەلمەيدى، كونكۋرسقا قاتىسۋشىلار تولىق قۇراممەن «جاس قانات» ءداستۇرلى ءانۇرانىن ورىنداۋعا شىقتى. ال ۇزدىك بەس ورىنداۋشى كورەرمەندەر مەن قازىلار القاسىنىڭ ماحابباتى مەن سۇيىسپەنشىلىگىنە يە بولۋى ءتيىس.
بايقاۋدا «قولا قاناتتى» قاراعاندىلىق ارماناي ءابدىمومىنوۆا جەڭىپ الدى.
ورالدىق ريزا ماعزوم «جاس قانات-2018» XXVII جاس ورىنداۋشىلار كونكۋرسىنىڭ ديلومانتى اتاندى.
«كۇمىس قاناتتى» ەڭ جاس قاتىسۋشى زاميرا ساعاديەۆا جەڭىپ الدى. الماتىلىق سىمبات سەيىلحانوۆا ەكىنشى ديپلومانت بولدى.
«جاس قاناتتىڭ» «التىن قاناتى» مەن ءبىرىنشى سىيلىقتى باقتيار اقىلبەك جەڭىپ الىپ، كونكۋرستىڭ جەڭىمپازى اتاندى.
ايتا كەتەيىك، بايقاۋعا قاتىسۋشىلارعا «جاس قاناتتىڭ» جۇلدىزدى تۇلەگى ديماش قۇدايبەرگەن قىتايدان ۆيدەوسالەم جولدادى. ول جاس ورىنداۋشىلاردى شىعارماشىلىق ومىرلەرىندەگى ۇلكەن جەڭىسىمەن قۇتتىقتادى.