وليمپيادا-2018: گەرمانيا كوش تىزگىنىن بەرەر ەمەس

پحەنچحان. قازاقپارات - وڭتۇستىك كورەيانىڭ پحەنچحان قالاسىندا ءوتىپ جاتقان وليمپيادا ويىندارىندا قازاقستان قۇراماسى ءبىر قولا مەدالمەن جالپى ەسەپتە 19- ورىندا كەلەدى، دەپ حابارلايدى قازاقپارات ءتىلشىسى.

كەشە پحەنچحاندا ءوتىپ جاتقان وليمپيادا ويىندارىندا قازاقستان ءبىر قولا مەدالمەن كەشەگى ورنىن ساقتاپ تۇر. قازاق ەلىنىڭ وزگە سپورتشىلارى ازىرگە فريستايلشى يۋليا گالىشەۆا جەڭىپ العان جالعىز قولا مەدالدان باسقا كورسەتكىشتەرگە قول جەتكىزە العان جوق.

ءدال قازىرگى كورسەتكىش بويىنشا، جالپى ەسەپتە گەرمانيا قۇراماسى كوش تىزگىنىن بەرمەي كەلەدى. ولار كەشە التىن مەدالدار سانىن 7 گە جەتكىزدى. ال وعان 2 كۇمىستى جانە 3 قولا مەدال قوسىلدى. وسىلايشا التىن مەدالدار سانى جاعىنان دا، جالپى مەدالدار سانى جاعىنان دا گەرمانيا قۇراماسى كوش باسىندا كەلەدى.

ەكىنشى ورىندا - نيدەرلاندى ەلىنىڭ سپورتشىلارى تۇر. ال كەشە ۇزدىك ۇشتىككە جالپى مەدالدار سانى بويىنشا ا ق ش قۇراماسى كوتەرىلدى. ولار مەدالدار سانىن 4 التىن، 1 كۇمىس، 2 قولاعا تولىقتىردى. ال كەشە عانا ۇزدىك ۇشتىكتى تۇيىندەپ تۇرعان نورۆەگيا كومانداسى كەشە بىردە-ءبىر مەدالعا قول جەتكىزە الماي ءتورتىنشى ورىنعا سىرعىدى. ولاردىڭ ەنشىسىندە 3 التىن، 5 كۇمىس، 3 قولا مەدال بار. سونداي-اق، ۇزدىك بەسىنشى ورىندا 3 التىن، 4 كۇمىس، 3 قولا مەدالمەن كانادا قۇراماسى كەلە جاتىر.