پاراليمپيادا-2018: قازاقستان جالپى ەسەپتە 13-ورىنعا كوتەرىلدى

استانا. قازاقپارات - وڭتۇستىك كورەيانىڭ پحەنچحان قالاسىندا ءوتىپ جاتقان پاراليمپيادا ويىندارىندا شاڭعىشى الەكساندر كوليادين التىن مەدال جەڭىپ العاعننان كەيىن، قازاقستان قۇراماسى جالپى ەسەپتە بىردەن 13-ورىنعا كوتەرىلدى، دەپ حابارلايدى قازاقپارات ءتىلشىسى.

بۇگىن ەل قورجىنىنا قىسقى پاراوليمپيادا تاريحىنداعى العاشقى التىن مەدال بۇيىرعان بولاتىن. سونىڭ ناتيجەسىندە قازاقستان قۇراماسى جالپى ەسەپتە بىردەن 13-ورىنعا كوتەرىلدى.

ال ازىرگە مەدالدار كورسەتكىشى بويىنشا ا ق ش 8 التىن، 6 كۇمىس، 6 قولا مەدالمەن كوش باستاپ كەلەدى. ال رەسەي قۇراماسى 6 التىن، 6 كۇمىس، 4 قولا مەدالمەن ەكىنشى ورىندا كەلە جاتسا، ۇزدىك ۇشتىكتى ۋكراينا سپورتشىلارى تۇيىندەپ تۇر. ولاردىڭ ەنشىسىندە 5 التىن، 4 كۇمىس، 7 قولا مەدال بار.

ەستەرىڭىزگە سالا كەتەيىك، وسىعان دەيىن تاعى ءبىر قازاقستاندىق شاڭعىشى الەكساندر گەرليتسكە قولا مەدالعا سىنىق سۇيەم جەتپەي قالعان بولاتىن. ول مارە سىزىعىن جۇلدەگەرلەردەن 43 سەكۋند كەيىن باسىپ ءوتىپ، 4- ورىنعا يە بولدى.

اۆتور: كۇنسۇلتان وتارباي