ەكسپو-2017 نىسانى قازاقستان مەن الەمنىڭ تۇپكىر-تۇپكىرىنەن كەلىپ جاتقان قوناقتاردى ءالى تاڭعالدىرىپ تۇر

None
None
استانا. قازاقپارات - ەكسپو-2017 كورمەسىنە وراي سالىنعان نىساندار ەل ەكونوميكاسىنىڭ قاجەتتىلىگىنە ابدەن داعدىلانعان.

بۇل تۋرالى حابارلاعان «ۆرەميا» گازەتىنىڭ جازۋىنشا، «استانا-ەكسپو-2017» كومپانياسىنىڭ مەنەدجمەنتى كورمەدەن كەيىنگى كەشەندى تاعى ءبىر رەت جاڭارتىلعان كۇيىندە كورسەتتى.

قازىرگى تاڭدا ەكسپو كەشەنىندە مەملەكەت باسشىسىنىڭ باستاماسىمەن جۇزەگە اسىرىلعان 4 ءىرى جوبا دامىپ جاتىر.

ونىڭ ءبىرى، ا ح ق و ەۋرازيالىق كەڭىستىكتەگى قارجى قىزمەتتەرىن ۇسىناتىن ىلگەرلى ورتالىققا، سونداي-اق قازاقستان، ەۋروپا مەن ازيا نارىقتارىن بىرىكتىرەتىن قارجى حابىنا اينالىپ كەلەدى. جاقىندا ا ح ق و عيماراتىندا تانىمال الەمدىك كومپانيالاردىڭ اتاۋلارى جازىلادى. 14- قاراشادا پرەزيدەنت نۇرسۇلتان نازاربايەۆ «نۇر الەم» سفەراسىندا قارجى ورتالىعىنىڭ بيرجاسى Astana International Exchange-دە العاشقى ساۋدا-ساتتىققا باستاما بەرگەن بولاتىن.

EXPO-2017 аумаÒ

استانا ەكسپو-2017 ينفراقۇرىلىمىنىڭ رەسۋرسى بۇل جوبالارمەن توقتامايدى. جاقىندا كورمە اۋماعىندا جالپى اۋماعى 35 مىڭ شارشى مەتردى الاتىن حالىقارالىق ساپا ستاندارتىنداعى EXPO Business Centre اشىلادى.

سونىمەن قاتار، 2019-جىلى ەكسپو اۋماعىندا ءىرى حالىقارالىق جانە ۇلتتىق كورمەلەردى، كونگرەستىك شارالار مەن باسقا دا ماڭىزدى شارالاردى ۇيىمداستىرۋعا بولاتىن قازاقستانداعى ەڭ ءىرى كورمە ورتالىقتارىنىڭ ءبىرى اشىلادى. ورتالىق كوپ فۋنكتسيونالدى بيزنەس-ارەناعا اينالادى دەگەن جوسپار بار. ورتالىقتىڭ جالپى اۋماعى - 20 مىڭ شارشى مەتر، بۇنىڭ ىشىندە جان-جاقتى پاۆيلوندار مەن زالدار بار.

ەكسپو اۋماعىنداعى كونگرەسس-ورتالىق تا ءتيىمدى جۇمىس ىستەپ تۇر.

EXPO-2017 аумаÒ

ايتا كەتەيىك، ەكسپو-2017 كورمەسىنىڭ اشىلۋ جانە جابىلۋ سالتاناتى ءدال وسى كونگرەسس-ورتالىقتا وتكەن بولاتىن. كونگرەسس-ورتالىقتاعى جىلجىمالى زالدارعا 4500 ادام سىيادى، زالدار كەز كەلگەن ديزاينەرلىك يدەيالاردىڭ ورىندالۋىنا ىڭعايلى.

ال، «نۇر الەم» سفەراسى - كورمە كەشەنىنىڭ ورتالىق نىسانى عانا ەمەس، ەكسپونىڭ باستى ماقتانىشى. بۇل - الەمدە بالاماسى جوق ديامەترى 80 مەترلىك شار ىسپەتتى بىرەگەي نىسان. سەگىز قاباتتان تۇراتىن نىسان قازاقستان مەن الەمنىڭ تۇپكىر-تۇپكىرىنەن كەلىپ جاتقان قوناقتاردى ءالى تاڭعالدىرىپ تۇر.

سوڭعى جاڭالىقتار