2016-جىلعى جەر كوميسسياسىنىڭ شەشىمدەرى ءالى كۇنگە تولىق ورىندالماعان

None
None
نۇر-سۇلتان. قازاقپارات - جەر رەفورماسى جونىندەگى 2016-جىلعى كوميسيانىڭ قابىلداعان شەشىمدەرى ءالى ورىندالماعان نەمەسە ساپاسىز ورىندالعان.

كوميسسيانىڭ بۇگىنگى وتىرىسىندا وسىنداي ماسەلە ايتىلدى، دەپ حابارلايدى قازاقپارات ءتىلشىسى.

كوميسسيانىڭ ەكونوميكالىق ماسەلەلەر جونىندەگى جۇمىس توبىن باسقاراتىن اقىلبەك كۇرىشبايەۆ ءتيىستى مينيسترلىكتەردەن بۇل جولعى كوميسسيا وتىرىستارىندا قابىلداناتىن شەشىمدەرگە مۇقيات قاراۋدى سۇرادى.

«كوميسسيا مۇشەلەرىنىڭ نازارىنا ەكونوميكالىق ماسەلەلەر جونىندەگى جۇمىس توبىنىڭ وتىرىسىندا تالقىلانعان ۇيىمداستىرۋ جۇمىستارىنىڭ پروبلەمالارىن جەتكىزگىم كەلەدى. بىرىنشىدەن، قازىر ءبىز قىزۋ تالقىلاپ جاتقان ءبىرقاتار سۇراق 2016-جىلى جەر رەفورماسى جونىندەگى الدىڭعى كوميسسيانىڭ جۇمىسى شەڭبەرىندە قارالىپ، سول كەزدىڭ وزىندە ءتيىستى شەشىمدەر قابىلدانعان بولاتىن.

ءبىراق بۇگىنگى كورىپ وتىرعانىمىزداي، ولار ءالى ورىندالماعان نەمەسە ساپاسىز ورىندالعان دەڭگەيدە قالىپ وتىر. سوندىقتان مەملەكەتتىك ورگانداردىڭ جەر كوميسسياسى تاراپىنان بەرىلەتىن ۇسىنىستاردى بۇل جولى قالاي ورىندايتىنى ءبىزدىڭ قاتتى الاڭداتادى. اتالعان ماسەلەلەرگە وسى جينالىسقا قاتىسىپ وتىرعان مينيسترلىكتەردىڭ وكىلدەرى نازار اۋدارۋى قاجەت دەپ ەسەپتەيمىز.

ەگەر ءبىز بىرنەشە جىلدان كەيىن قايتادان جاڭا كوميسسيا قۇرىپ، «باياعى جارتاس سول جارتاس» دەپ قايتادان وسى سۇراقتارعا ورالساق، بۇگىنگى قابىلدانعان شەشىمدەردىڭ قانداي ماڭىزى بولماق»، - دەدى جۇمىس كوميسسيا مۇشەسى.

سوڭعى جاڭالىقتار