ەلىمىزدە 200 مىڭ تونناعا دەيىن كوكونىس ساقتايتىن قويمالار سالىنادى
بۇل تۋرالى بۇگىن ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى قازاقپارات ءتىلشىسى.
«ءبىز 2025 -جىلدىڭ سوڭىنا دەيىن سىيىمدىلىعى 200 مىڭ تونناعا جۋىق كوكونىس قويمالارىن سالۋدى جوسپارلاپ وتىرمىز. بۇل پرەزيدەنتتىڭ تاپسىرماسى، ونى ورىنداۋدى سۋبسيديالاۋ كولەمىن ۇلعايتۋ ەسەبىنەن قاراپ جاتىرمىز. كوكونىس ساقتاۋ ورىندارىنىڭ سانىن ۇلعايتۋ بويىنشا بيزنەس تاراپىنان وتىنىمدەردى قابىلدايمىز. وسىلايشا كوكونىس ساقتاۋ كولەمىن %20-30 ۇلعايتۋدى جوسپارلاپ وتىرمىز»، - دەدى ەربول قاراشوكەيەۆ.
سونداي- اق مينيستر تۇراقتاندىرۋ قورلارىنىڭ جۇمىس مەحانيزمىنە وزگەرىستەر ەنگىزىلەتىنىن حابارلادى.
«ءبىز بيىل تۇراقتاندىرۋ قورلارىنىڭ جۇمىسىن فورۆاردتىق كەلىسىمشارتقا قايتا باعىتتادىق. ەندىگى ۋاقىتتا وڭىرلەر فەرمەرلەرمەن فورۆاردتىق كەلىسىمشارتتار جاساسىپ، سول ارقىلى ارزان كوكونىسكە قول جەتكىزە الادى»، - دەپ تولىقتىردى ۆەدومستۆو باسشىسى.