تۇركىستان وبلىسىنداعى سۋ تاسقىنى: 200-دەن استام ادام ەۆاكۋاتسيالاندى
باسپاءسوز قىزمەتىنىڭ مالىمەتتەرىنە قاراعاندا، قازىرگى ۋاقىتتا بەس ەلدى مەكەندە، اتاپ ايتقاندا بايدىبەك اۋدانىندا شايان مەن شاقپاق، ساۋران اۋدانىندا شاعا، سوزاق اۋدانىنىڭ شولاققورعان اۋىلدارىندا جانە ارىس قالاسىندا سۋ بۇرۋ جۇمىستارى جۇرگىزىلۋدە.
ت ج م مەن جەرگىلىكتى اتقارۋشى ورگانداردىڭ كۇشىمەن ۇيلەردى سۋ باسۋىنىڭ الدىن الۋ ءۇشىن 13000 قۇم سالىنعان قاپ توسەۋ جۇمىستارى جۇرگىزىلدى.
جۇمىس جۇرگىزۋگە ت ج م، جەرگىلىكتى اتقارۋشى ورگانداردىڭ، قورعانىس مينيسترلىگىنىڭ كۇشتەرى مەن قۇرالدارىنان 430-دان استام ادام، 70-كە جۋىق بىرلىك تەحنيكا، 43 موتوپومپا جۇمىلدىرىلدى.
ت ج د كۇشىمەن كەنتاۋ قالاسىنداعى قارناق اۋىلىنىڭ، ساۋران، بايدىبەك اۋداندارىنىڭ سۋ باسقان اۋلا اۋماعىنان 204 ادام، ونىڭ ىشىندە 111 بالا ەۆاكۋاتسيالاندى، 201 ۇساق مال قاۋىپسىز جەرگە ايدالدى.
حالىقتى ەۆاكۋاتسيالاۋ جانە ۋاقىتشا ورنالاستىرۋ ءۇشىن جەرگىلىكتى اتقارۋشى ورگاندار ساۋران اۋدانىندا 4 ەۆاكۋاتسيالاۋ پۋنكتىن دايىندادى.
وبلىستىق جانە رەسپۋبليكالىق جەدەل شتابتار قىزمەت كورسەتۋدە. وبلىستىق جانە رەسپۋبليكالىق جەدەل شتابتار بازاسىندا «جەدەل جەلى» تەلەفونى اشىلدى.
«قازگيدرومەت» ر م ك دەرەكتەرى بويىنشا 3 -اقپاندا وبلىستىڭ باسىم بولىگىندە جاۋىن- شاشىن (جاڭبىر، قار) بولىپ، تەمپەراتۋرا كوتەرىلەدى. ءوز كەزەگىندە بۇل جاعداي قاردىڭ تەز ەرىپ، مۇزدىڭ السىرەۋى جانە وزەندەردەگى سۋ دەڭگەيىنىڭ كوتەرىلۋى مۇمكىن.
2 -اقپان كۇنى ساعات 08:00-دەن باستاپ تاۋلى اۋدانداردا قار ەرىپ، جاۋىن- شاشىننىڭ كوپ تۇسۋىنە بايلانىستى سۋ دەڭگەيى كوتەرىلگەنىن جازدىق. سالدارىنان كەنتاۋ جانە تۇركىستان قالالارىندا جانە بايدىبەك، ورداباسى جانە ساۋران اۋداندارىندا اۋلالار مەن كوشەلەر سۋ استىندا قالدى.
سونداي- اق تاسقىن سۋ ساۋران اۋدانىنداعى ەلدى مەكەندەرگە قاۋىپ ءتوندىرىپ تۇرعانى حابارلاندى.
تۇركىستان وبلىسىنىڭ ءۇش اۋدانىندا 6 كوشەنى سۋ باسقانى ايتىلدى.
وڭىردە كولىگىمەن تاسقىن سۋ ورتاسىندا قالىپ قويعان تۇرعىندار قۇتقارىلدى.
ساۋران اۋدانىندا 7 بالاباقشا جۇمىسىن توقتاتتى.
4 ەلدى مەكەندە سۋ بۇرۋ جۇمىستارى جۇرگىزىلىپ جاتقانى حابارلاندى.