استاناداعى تۋريستىك تانىمال ورىندار: ەلورداعا بيىل 200 مىڭ تۋريست كەلگەن

نۇر- سۇلتان. قازاقپارات - قازاقستاننىڭ استاناسى نۇر- سۇلتان 20 جىلدان استام ۋاقىت بويى الەمنىڭ كوپتەگەن ەلىنەن تۋريست كەلەتىن تارتىمدى شاھارعا اينالدى.

پاندەميادان كەيىن دە ەلورداعا تۋريستەر اعىنى % 30- عا ارتىپ، شەتەلدىك تۋريستەر سانى % 23- عا ارتتى. قازاقپارات اگەنتتىگى نۇر- سۇلتانداعى تۋريستىك سالانىڭ دامۋى مەن تانىمال ورىندارى تۋرالى شولۋ ۇسىنادى.

نۇر- سۇلتان قالاسى اكىمدىگى ينۆەستيتسيالار جانە كاسىپكەرلىكتى دامىتۋ باسقارماسى Astana Invest كومپانياسىمەن بىرلەسىپ تۋريستىك سالانى دامىتادى جانە وسى سالادا ستاتيستيكا مەن تالداۋ جۇرگىزەدى. دەرەكتەرگە سايكەس، 2021 -جىلى سىرتتان كەلەتىن تۋريستەر سانى 2020 -جىلمەن سالىستىرعاندا رەسەيدەن % 23- عا، تۇركيادان % 36- عا، ۋكراينادان % 24- عا، بىرىككەن اراب امىرلىكتەرىنەن 10%- عا ارتقان.

نۇر- سۇلتاننان 27 ەلگە تىكەلەي رەيس بار

سوڭعى ەكى جىلدا بۇكىل الەمدە ەپيدەمياعا قارسى شارالار جاسالىپ، تۋريزم سالاسى ايتارلىقتاي زارداپ شەككەن ەدى. ستاتيستيكا ورگاندارىنىڭ مالىمەتىنشە، تۋريزم سالاسى قالپىنا كەلىپ جاتىر، 2021 -جىلى تۋريستەر سانى 2020 -جىلمەن سالىستىرعاندا % 88- عا ارتقان. نۇر- سۇلتانعا 2021 -جىلى 751123 مىڭ تۋريست كەلگەن، ونىڭ ىشىندە 78023 شەتەلدىك، 673100 قازاقستاندىق بار. ءوز كەزەگىندە، 2022 -جىلدىڭ ءبىرىنشى توقسانىندا تۋريستەر سانى 206245 مىڭ ادامدى قۇرادى، ونىڭ ىشىندە 18673 شەتەلدىك، 187572 ءوز ازاماتتارىمىز بار.

سوڭعى مالىمەتتەر بويىنشا، تۋريستەر سانى % 30- عا ارتقان. 2021 -جىلى ورنالاستىرۋ ورىندارى كورسەتكەن قىزمەت كولەمى 2020 -جىلمەن سالىستىرعاندا % 75- عا ارتتى. 2021 -جىلى ەلورداعا 4,8 ميلليون ادام ۇشاقپەن كەلگەن، بۇل كورسەتكىش 2020 -جىلمەن سالىستىرعاندا % 48- عا ارتتى. سونىمەن بىرگە، 73 ەلمەن ۆيزاسىز رەجيم قالپىنا كەلتىرىلدى. بۇل كورسەتكىش 2019 -جىلعى دەڭگەيىنە قايتا ورالدى.

نۇر- سۇلتاننان الەمنىڭ 27 ەلىنە حالىقارالىق تىكەلەي رەيستەر ۇشىرىلادى: ءازىربايجان، ارمەنيا، بەلارۋس، ۇلى بريتانيا، گەرمانيا، گرەكيا، گرۋزيا، ەگيپەت، ءۇندىستان، يران، يتاليا، كاتار، كۋۆەيت، قىرعىزستان، مالديۆ، موڭعوليا، نيدەرلاندى، ب ا ءا، پولشا، رەسەي، ساۋد ارابياسى، تاجىكستان، تايلاند، تۇركيا، وزبەكستان، چەحيا جانە وڭتۇستىك كورەياعا اپتاسىنا 76 مارشرۋت جۇرگىزىلەدى. اكىمدىكتىڭ حابارلاۋىنشا، ازىرگە قىتايمەن تىكەلەي رەيستەر اشىلمادى. تىكەلەي رەيستەردىڭ قايتا باستالۋى ەكى ەل اراسىنداعى كەلىسىمدەرگە تىكەلەي بايلانىستى.

ەلورداداعى تانىمال ورىندار

قازاقستان ەلورداسى شەكسىز قازاق دالاسىنىڭ ورتاسىنداعى سيقىرلى وازيسكە ۇقسايدى. ورتالىق ازياداعى ەڭ ۇلكەن مەشىتتەر، «بايتەرەك»، «حان شاتىر»، ەكسپو، سيرك سەكىلدى فۋتۋريستىك فورماداعى عيماراتتار باتىس پەن شىعىس وركەنيەتىن ۇشتاستىرادى جانە كەز كەلگەن تۋريستى تاڭداندىرا الادى. بۇگىندە قازاقستان استاناسى قارقىندى دامىپ كەلەدى. مۇندا ۇنەمى جاڭا جانە قىزىقتى ورىندار اشىلادى.

قالا اكىمدىگىنىڭ حابارلاۋىنشا، تۋريستەر اراسىنداعى ەڭ تانىمال ورىن - ءسوزسىز «استانا- بايتەرەك» مونۋمەنتى. «بايتەرەك» - ەلوردانىڭ سيمۆولى جانە قالانىڭ باستى تۋريستىك ورتالىعى. وندا تۋريستەر مەن ەلوردا قوناقتارى سول جاعالاۋدىڭ ادەمى كورىنىسىن بيىكتەن تاماشالاي الادى. وتكەن جىلدىڭ قورىتىندىسى بويىنشا «بايتەرەك» مونۋمەنتىنە 300000-نان استام ادام كەلدى. اسىرەسە جاز ايلارىندا ەڭ كوپ ادام تىركەلگەن.

«بايتەرەكتەن» بولەك، قالاداعى تانىمال ورىندار قاتارىندا ەسىل وزەنىنىڭ جاعالاۋى، «نۇرجول» بۋلۆارى، «نۇر- الەم» مۋزەيى، «حان- شاتىر» ساۋدا- ويىن- ساۋىق ورتالىعى، وكەاناريۋمى بار «Ailand» وتباسىلىق دەمالىس ورتالىعى، بوتانيكالىق ورانجەرەيا، ۇلتتىق مۋزەي بار. تۋريستىك كومپانيالار قوناقتار ءۇشىن قولايلى جاعداي جاساۋ ماقساتىندا نۇر- سۇلتان قالاسى بويىنشا 60 تۋريستىك مارشرۋت پەن ەكسكۋرسيالار ازىرلەگەن.

وندا نەگىزگى جەتى باعىت بولىنگەن: ەسىل وزەنى بويىنشا تەپلوحودتاعى كرۋيزدىك ەكسكۋرسيا، اۆتوبۋستىق ەكسكۋرسيالار، تاقىرىپتىق ەكسكۋرسيالار، جاياۋ ەكسكۋرسيالار، ۆەلومارشرۋتتار، اتپەن سەرۋەندەۋ، ەكسترەمالدى تۋرلار جانە باسقالارى بار. وعان قوسا، دەمالىس كۇندەرىنە ارنالعان 70 مارشرۋت (قالا سىرتىنداعى تۋرلار) جاسالعان. نەگىزگى جانە حالىق كوپ باراتىن جەرلەر بويىنشا 11 باعىت بار: بۋراباي، زەرەندى، قارقارالى، سۇڭقار تاۋلارى، سىلەتى كانونى، «يمانتاۋ شالقار» كۋرورتتىق ايماعى، قورعالجىن قورىعى، تاريحي ەكسكۋرسيالار، «الجير» لاگەرىنىڭ مۋزەيىنە، قابانباي باتىر كەسەنەسىنە، «قارلاگ» لاگەرىنىڭ مۋزەيىنە جانە ءماشھۇر ءجۇسىپ كوپەيەۆ كەسەنەسىنە بارۋعا بولادى.

ءىس- شارالار تۋريزمىنىڭ دامۋى

نۇر- سۇلتان قالاسى ءوزىن MICE- يندۋستريا باعىتىندا دامىتۋدا. ياعني، MICE - Meetings (كەلىسسوزدەر، كەزدەسۋلەر)، Incentives (باعدارلامالار مەن تۋرلار، تيمبيلدينگتەر)، Conferences (سەمينارلار، كەڭەستەر، كونفەرەنسيالار)، Exhibitions (يميدجدىك ءىس- شارالار، كورمەلەر)، ءتۇرلى كورپوراتيۆتىك شارالار وتكىزۋمەن بايلانىستى ىسكەرلىك تۋريزم يندۋسترياسىنىڭ ءبىر سالاسى.

جالپى ءىس- شارالار جانە بيزنەس- تۋريزمدى دامىتۋ ءۇشىن شەت تىلدەرىن مەڭگەرگەن ماماندار دايارلانۋى ءتيىس. مۇندا بەلگىلى ءبىر ماسەلەلەردى تالقىلاۋ ءۇشىن جوعارى لاۋازىمدى قوناقتار، بيزنەسمەندەر جانە سالا ساراپشىلارى جينالادى. نۇر- سۇلتاندا ءىس- شارالار تۋريزمىن دامىتۋ ءۇشىن ۇلكەن پەرسپەكتيۆالار بار. بيىل دا ەلوردادا ءتۇرلى حالىقارالىق فورۋمدار، كونفەرەنسيالار، مامانداندىرىلعان كەڭەستەر قايتا جانداندى. مىسالى، ماۋسىم ايىندا «استانا» حالىقارالىق قارجى ورتالىعىندا ءداستۇرلى Astana finance days ءوتتى. بۇل شاراعا 70-تەن استام ەلدىڭ وكىلدەرى قاتىستى. ال قىركۇيەكتە الەمدىك جانە ءداستۇرلى دىندەر كوشباسشىلارىنىڭ VII سەزىن وتكىزۋ جوسپارلانىپ وتىر. سونداي- اق، قازان ايىندا نۇر- سۇلتان قالاسىندا ازياداعى ءوزارا ءىس- قيمىل جانە سەنىم شارالارى جونىندەگى كەڭەستىڭ VI سامميتىنە دايىندىق ءجۇرىپ جاتىر.