+7 (701) 759 90 19
3 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

ەلوردادا تىيىم سالىنعانىنا قاراماستان 200 ادام جينالعان توي وتكىزگەن

2 تامىز 14:05
:ءبولىسۋ
ەلوردادا تىيىم سالىنعانىنا قاراماستان 200 ادام جينالعان توي وتكىزگەن

نۇر- سۇلتان. قازاقپارات - پوليتسەيلەردەن، اكىمدىك پەن سانيتاريا- ەپيدەميولوگيالىق باقىلاۋ باسقارماسىنىڭ وكىلدەرىنەن تۇراتىن موبيلدى توپ كارانتين رەجيمىن بۇزۋشىلاردى انىقتاپ جاتىر، دەپ حابارلايدى قازاقپارات نۇر- سۇلتان قالاسىنىڭ پ د باسپا ءسوز قىزمەتىنە سىلتەمە جاساپ.

نۇر- سۇلتاننىڭ «قويۋ قىزىل ايماققا» وتۋىنە بايلانىستى ينفەكسيانىڭ تارالۋىن بولدىرماۋ بويىنشا شەكتەۋ شارالارى قابىلداندى. سالتاناتتى، وتباسىلىق جانە باسقا دا بۇقارالىق شارالاردى وتكىزۋگە تىيىم سالىندى. دەمالىس كۇندەرى موبيلدى توپ 155 كاسىپكەرلىك نىسانىن تەكسەرىپ، 40 كارانتين بۇزۋشىنى انىقتادى.

دەگەنمەن، سالىنعان تىيىمعا قاراماستان، ازاماتتار قولدانىستاعى قاۋلىنى ەلەمەي وتىر. مىسالى، اقان سەرى كوشەسىندەگى «ارنا» مەيرامحاناسىنىڭ بانكەت زالىندا توي وتكەن. وندا كەلگەن 200 قوناق كارانتين شارالارىن ساقتاماي، ەمىن- ەركىن كوڭىل كوتەرگەن. موبيلدى توپ تەكسەرۋگە كەلگەندە توي قىزىپ جاتقان. وسى كۇنى «Shatush» مەيرامحاناسىنىڭ بانكەت زالى دا قوناقتارعا تولى بولدى. وندا 150 قوناق كوڭىل كوتەرگەن. اراسىندا قارتتار مەن بالالار دا بولعان. مەيرامحانا قوجايىندارىنا قاتىستى جينالعان ماتەريال ق ر ا ق ب ت ك- ءنىڭ 425-بابى بويىنشا اكىمشىلىك ءوندىرىس قوزعاۋ ءۇشىن وكىلەتتى ورگانعا جىبەرىلدى.

نۇر- سۇلتان قالاسىنىڭ پوليتسيا دەپارتامەنتى كاسىپكەرلەردى كارانتين شارالاردى بۇزعان جاعدايدا جاۋاپقا تارتىلاتىنىن جانە كاسىپورىن جۇمىسىنىڭ توقتاتىلاتىنىن ەسكە سالىپ، سانيتاريا ەرەجەلەرىن ساقتاۋعا شاقىرادى. پوليتسەيلەر تۇرعىنداردى بۇقارالىق شارالارعا بارماي، وتباسىلىق وتىرىستاردان باس تارتۋعا كەڭەس بەرەدى.

اۆتور: ءبيبىحان سەرىكوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات