ۆەنگريانىڭ جوعارى وقۋ ورىندارىندا 200-دەن استام قازاقستاندىق تەگىن ءبىلىم الادى

None
None
نۇر- سۇلتان. قازاقپارات - 200-دەن استام قازاقستاندىق ۆەنگريانىڭ جەتەكشى جوعارى وقۋ ورىندارىندا تەگىن ءبىلىم الادى. بۇل ق ر ءبىلىم جانە عىلىم مينيسترلىگى مەن ۆەنگريانىڭ ادامي رەسۋرستار مينيسترلىگىنىڭ كەلىسىمدەرى ارقاسىندا جۇزەگە اسىپ وتىر،

دەپ حابارلايدى قازاقپارات ق ر ب ع م باسپا ءسوز قىزمەتى سىلتەمە جاساپ.

«ءبىزدىڭ وتانداستارىمىز «Stipendium Hungaricum» ستيپەنديالىق باعدارلاماسى بويىنشا وقيتىن بولادى. بۇل ءتىزىمدى ۆەنگر تاراپى ۇمىتكەرلەردىڭ ماماندىق تاڭداۋىنا دەگەن ىنتاسىنا، ولاردىڭ تەوريالىق ءبىلىمى مەن وقۋداعى نەمەسە تاڭداعان سالاسىنداعى جەتىستىكتەرىنە سۇيەنە وتىرىپ بەكىتتى. سونداي- اق اڭگىمەلەسۋ كەزىندە كانديداتتاردىڭ جەكە قاسيەتتەرى ەسكەرىلدى»، - دەپ اتاپ ءوتتى ق ر ب ع م حالىقارالىق باعدارلامالار ورتالىعى پرەزيدەنتىنىڭ م. ا. دانيار مۇقيتانوۆ.

ستيپەندياتتار ۆەنگريادا باكالاۆريات، ماگيستراتۋرا جانە دوكتورانتۋرا باعدارلامالارى بويىنشا قابىلداۋشى تاراپتىڭ ەسەبىنەن وقيتىن بولادى. سونىمەن قاتار 70-تەن استام ادامنان تۇراتىن رەزەرۆتىك ءتىزىم جاسالدى. بارلىق ۇمىتكەرلەردىڭ ءتىزىمى حالىقارالىق باعدارلامالار ورتالىعىنىڭ رەسمي سايتىندا جاريالانعان.

ايتا كەتەيىك، ۇكىمەتارالىق كەلىسىمدەر اياسىندا 330 قازاقستاندىق الەمنىڭ جەتەكشى جوعارى وقۋ ورىندارىندا، ونىڭ ىشىندە ۆەنگريا، پولشا، قىتاي، ۋكراينا، سلوۆاكيا، ءازىربايجان جانە ۆەتنام ۋنيۆەرسيتەتتەرىندە تەگىن وقي الادى.

سوڭعى جاڭالىقتار