+7 (701) 759 90 19
29 °С : نۇر-سۇلتان
29 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

دجەفف بەزوس عارىشتان ورالعان سوڭ قايىرىمدىلىققا 200 ميلليون دوللار اۋداردى

22 شىلدە 17:21
:ءبولىسۋ
دجەفف بەزوس عارىشتان ورالعان سوڭ قايىرىمدىلىققا 200 ميلليون دوللار اۋداردى

نۇر-سۇلتان. قازاقپارات - Amazon كومپانياسىنىڭ بۇرىنعى باس ديرەكتورى دجەفف بەزوس ەكى الەۋمەتتىك كاسىپكەرگە 200 ميلليون دوللار بەردى.

بۇل تۋرالى ول عارىشقا ۇشقاننان كەيىنگى باسپا ءسوز ءماسليحاتىندا مالىمدەدى.

اسپاز حوسە اندرەس بەزوستان 100 ميلليون دوللار الادى. اندرەس 2018-جىلعى «نوبەل» سىيلىعىنا بەيبىتشىلىك سالاسى بويىنشا ۇسىنىلعان. ول 2010-جىلى نەگىزى قالانعان World Central Kitchen («دۇنيەجۇزىلىك ورتاق اس ءۇي») جوباسىنىڭ اۆتورى.

بۇل كوممەرتسيالىق ەمەس ۇيىم الەمدەگى اپاتتان زارداپ شەككەن اۋداندارداعى تۇرعىنداردىڭ تاماقتانۋىن ۇيىمداستىرۋعا كومەكتەسەدى. حابارلارعا قاراعاندا، ۇيىم وتكەن اپتادا گەرمانيادا تاسقىن سۋدان زارداپ شەككەن ادامدارعا كومەكتەسكەن.

تاعى 100 ميلليون دوللار CNN ساياسي ساراپشىسى ۆەن دجونسقا بەرىلەدى. دجونس - تۇتقىنداردىڭ قۇقىقتارىمەن جانە ولاردىڭ قوعامعا ەنۋىمەن اينالىساتىن بىرنەشە كوممەرتسيالىق ەمەس ۇيىمدار مەن قوزعالىستاردىڭ نەگىزىن قالاۋشى سانالادى.

بەزوستىڭ ايتۋىنشا، دجونس پەن اندرەس قاراجاتتى ءوز قالاۋىنشا پايدالانا الادى. دجەفف بەزوس Courage and Civility Award باستاماسىنىڭ باستالعانىن جاريالادى. وسى باستاما اياسىندا كاسىپكەر جاھاندىق ماسەلەلەردى شەشۋگە اتسالىسىپ جۇرگەن ادامدارعا قاراجات بولەدى.

20- شىلدەدە دجەفف بەزوس ءوزى نەگىزىن قالاعان «Blue Origin» اتتى جاڭا كەمە بورتىندا عارىشقا ءساتتى ۇشتى. ۇشۋ ساپارى 10 مينۋت 18 سەكۋندقا سوزىلدى.

وسى ۋاقىتتا زىمىران ءتورت ادامنان تۇراتىن كاپسۋلانى تومەنگى وربيتاعا شىعاردى. سودان كەيىن زىمىران بەلگىلەنگەن جەرگە قايتا قوندى، ال 4 مينۋت سالماقسىز كۇيدە بولعان كاپسۋلا كەيىن پاراشيۋتپەن جەرگە قايتا ورالدى. ەكى قونۋ ءساتتى بولدى.

ۇشار الدىندا بەزوس ۆاشينگتونداعى ۇلتتىق اۋە رەيستەرى جانە استروناۆتيكا مۋزەيىنە 200 ميلليون دوللار سىيعا تارتتى.

Forbes Real-Time رەيتينگىنە سايكەس ونىڭ بايلىعى 205 ميلليارد دوللارعا باعالانادى.

massaget.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات