الماتى وبلىسىندا 200 مىڭنان استام ادام كوروناۆيرۋسقا قارسى ۆاكسينا سالدىردى
سونىڭ ىشىندە تالدىقورعان قالاسىندا 28 جاعداي، ىلە اۋدانىندا - 17، جامبىل اۋدانىندا - 12، قاراساي اۋدانىندا - 11، پانفيلوۆ جانە تالعار اۋداندارىندا 9 جاعدايدان، ەڭبەكشىقازاق اۋدانىندا - 7، سارقان اۋدانىندا 4 جاعداي، كەربۇلاق اۋدانىندا - 3، بالقاش جانە قاراتال اۋداندارىندا 2 جاعداي تىركەلدى. ءوڭىر «جاسىل» ايماققا ءوتتى. «اۋرۋحانالاردا 1606 ادام ەم قابىلداۋدا.
سونىڭ 46-نىڭ جاعدايى اۋىر. 1 تاۋلىكتە 79 ادام اۋرۋحانالارعا ەم قابىلداۋعا جاتقىزىلدى. جۇقپالى اۋرۋلار ستاتسيونارلارىنداعى ورىندار %33،4 كە تولعان»، - دەلىنگەن الماتى وبلىسى اكىمىنىڭ باسپا ءسوز قىزمەتىنىڭ جاريالاعان حابارلامادا.
وتكەن تاۋلىكتە وبلىس بويىنشا 489 ادام كوروناۆيرۋستان ەمدەلىپ شىقتى.
«سوڭعى 3 كۇندە 6423 ادامنىڭ سىنامالارى پ ت ر زەرتحانالاردا تەكسەرىلدى. ناۋقاستارمەن قارىم-قاتىناستا بولعان 118 ادام انىقتالىپ، بارلىعى ءۇي كارانتينىنە جاتقىزىلىپ، مەديتسينا قىزمەتكەرلەرىنىڭ باقىلاۋىنا الىندى. الماتى وبلىسى بويىنشا كوروناۆيرۋسقا قارسى ۆاكسينانىڭ 1-كومپونەنتىن العاندار سانى - 206988. سونىڭ ىشىندە وتكەن كۇنى ەكپە العاندار سانى - 724. ەكپەنىڭ 2-كومپونەنتىن العاندار سانى - 113858»، - دەپ تولىقتىردى اتالعان ۆەدومستۆونىڭ باسپا ءسوز قىزمەتى.
اۆتور: سامال قابىشەۆا