16:20, 26 - قاڭتار 2021 | GMT +6
مەملەكەت باسشىسى بيىل 200 جاڭا مەكتەپ سالۋدى تاپسىردى
نۇر- سۇلتان. قازاقپارات - بۇگىن ۇكىمەتتىڭ كەڭەيتىلگەن وتىرىسىندا پرەزيدەنت قاسىم- جومارت توقايەۆ بيىل 200 جاڭا مەكتەپ سالۋدى تاپسىردى، دەپ حابارلايدى قازاقپارات ءتىلشىسى.
پرەزيدەنت قازىرگى كەزدە ەرەكشە ءبىلىم بەرۋدى قاجەت ەتەتىن بالالار سانى ارتىپ كەلە جاتقانىن اتاپ ءوتتى. ولارعا ايرىقشا قامقورلىق كەرەك. وسى ورايدا ۇكىمەتكە ناقتى قاجەتتىلىكتەر مەن زاماناۋي ستاندارتتاردى ەسكەرە وتىرىپ، قارجىلاندىرۋ نورماتيۆتەرىن جاڭارتۋ بويىنشا شارا قابىلداۋ تاپسىرىلدى.
«Nur Otan پارتياسىنىڭ سايلاۋ الدىنداعى تۇعىرناماسى اياسىندا 2025 -جىلعا دەيىن 800 جاڭا مەكتەپ سالۋعا ۋادە بەرىلدى. قازىردەن باستاپ وسى جۇمىسقا كىرىسۋ كەرەك. بيىل 200 جاڭا مەكتەپ سالۋدى تاپسىرامىن»، - دەدى مەملەكەت باسشىسى.