+7 (701) 759 90 19
-8 °С : نۇر-سۇلتان
2 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

ەلوردادا رۇقسات ەتىلمەگەن جەردەن وتكەن 200 دەن استام جاياۋ جۇرگىنشىگە ايىپپۇل سالىندى

22 قاراشا 13:18
:ءبولىسۋ
ەلوردادا رۇقسات ەتىلمەگەن جەردەن وتكەن 200 دەن استام جاياۋ جۇرگىنشىگە ايىپپۇل سالىندى

نۇر-سۇلتان. قازاقپارات - ەلوردادا «قاۋىپسىز جول» رەسپۋبليكالىق جەدەل-پروفيلاكتيكالىق ءىس-شاراسى ءوتىپ جاتىر.

بۇل تۋرالى قازاقپارات نۇر-سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ حابارلايدى.

جەدەل-پروفيلاكتيكالىق ءىس-شاراسىنىڭ ەكى كۇنىندە پوليتسيا 1,5 مىڭعا جۋىق جول ەرەجەسىن بۇزۋ ارەكەتىن انىقتادى، ونىڭ 23 ءىن قوعامدىق كولىك جۇرگىزۋشىلەرى جاساعان.

كولىك قۇرالىن جۇرگىزۋشى كۋالىگىنسىز باسقارعان 118 دەن استام اۆتوكولىك جۇرگىزۋشىسى ۇستالسا، ونىڭ التاۋى بۇرىن كولىك جۇرگىزۋ قۇقىعىنان ايىرىلعاندار.

سونىمەن قاتار، رۇقسات ەتىلمەگەن جەردەن جولدى كەسىپ وتكەن 200 دەن استام جاياۋ جۇرگىنشىگە ايىپپۇل سالىندى.

ەكى كۇن ىشىندە 10 جۇرگىزۋشى الكوگولدىك ماساڭ كۇيدە ۇستالدى. كوممۋنالدىق تەگىن اۆتوتۇراققا 50 دەن استام كولىك ورنالاستىرىلدى. سونداي-اق ەلوردادا Volkswagen Passat اۆتوكولىگىنىڭ جۇرگىزۋشىسى جالعان مەملەكەتتىك نومىرمەن جۇرگەنى ءۇشىن ۇستالدى.

مەملەكەتتىك تىركەۋ بەلگىسى تىزىلىمنەن 2012-جىلى الىنىپ تاستالعانى انىقتالدى.

ۇستالعان جۇرگىزۋشىنىڭ ايتۋىنشا، ول 2020-جىلدىڭ قازان ايىنان باستاپ جالعان نومىرلەرمەن كولىك جۇرگىزگەن. 29 جاستاعى جۇرگىزۋشىگە قاتىستى، ا ق ب ت ك- ءنىڭ 590-بابى، 4-بولىگى بويىنشا ستاندارت تالاپتارىنا سايكەس كەلمەيتىن نومىرلىك بەلگىلەرى بار اۆتوكولىكتى باسقارعانى ءۇشىن اكىمشىلىك ءىس قوزعالدى.

ماتەريال پروتسەسسۋالدىق شەشىم قابىلداۋ ءۇشىن نۇر-سۇلتان قالاسىنىڭ مامانداندىرىلعان اكىمشىلىك سوتىنا جىبەرىلدى.

اۆتوكولىك كوممۋنالدىق تۇراققا ورنالاستىرىلدى.

«ءۇش كۇن ىشىندە پوليتسيا جول ەرەجەسىن ورەسكەل بۇزۋ ارەكەتىن انىقتاپ، جولىن كەسۋدە. «قاۋىپسىز جول» جەدەل-پروفيلاكتيكالىق ءىس-شاراسى كەزىندە جول-كولىك وقيعالارىنىڭ الدىن الۋ بويىنشا پروفيلاكتيكالىق جانە ءتۇسىندىرۋ جۇمىستارى جۇرگىزىلۋدە»، - دەلىنگەن قالالىق پوليتسيا دەپارتامەنتىنىڭ باسپا ءسوز حابارلاماسىندا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات