قارتتار كۇنى: 200 مىڭنان استام زەينەتكەرگە ءبىرجولعى قارجىلاي كومەك كورسەتىلەدى

None
None
نۇر-سۇلتان. قازاقپارات - قازاقستانداعى 216,7 مىڭ زەينەتكەرگە ءبىرجولعى قارجىلاي كومەك كورسەتىلەدى.

بۇل تۋرالى قازاقپارات ەڭبەك مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى. قارتتار كۇنى اياسىندا، نۇر- سۇلتاندا، سونداي-اق اقمولا، اقتوبە، اتىراۋ، قاراعاندى، ماڭعىستاۋ، پاۆلودار، سولتۇستىك قازاقستان، تۇركىستان وبلىستارىنىڭ جەكەلەگەن اۋداندارىندا 216,7 مىڭ ادامدى قامتيتىن 2,3 ميلليارد تەڭگە كولەمىندە ءبىرجولعى قارجىلاي كومەك كورسەتىلەدى. جالپى، اعىمداعى جىلى، جەرگىلىكتى بيۋدجەت مۇمكىندىكتەرىن ەسكەرە وتىرىپ جانە بيزنەستىڭ الەۋمەتتىك جاۋاپكەرشىلىگى شەڭبەرىندە 15,2 ميلليارد تەڭگەدەن استام قاراجات ءبولىندى (ونىڭ ىشىندە جەرگىلىكتى بيۋدجەتتەن - 14,2 ميلليارد تەڭگە، تارتىلعان قاراجات ەسەبىنەن - ​​ 1 ميلليارد تەڭگە) : - ۇلى وتان سوعىسىنداعى جەڭىس كۇنىنە ءبىر رەتتىك ماتەريالدىق كومەككە - 7,6 ميلليارد تەڭگە (123,6 مىڭ ادام)؛

- ازىق- تۇلىك سەبەتىن بەرۋگە - 1 ميلليارد 481,1 ميلليون تەڭگە (233,4 مىڭ ادام)؛

- جەڭىلدىكپەن ءدارى- دارمەكپەن قامتاماسىز ەتۋگە - 174,2 ميلليون تەڭگە (40,8 مىڭ ادام)؛

- ءتىستى پروتەزدەۋگە - 142,7 ميلليون تەڭگە (3 مىڭ ادام)؛

- شيپاجايلىق ەمدەلۋگە - 1 ميلليارد 362,3 ميلليون تەڭگە (19,5 مىڭ ادام)؛

- تۇرعىن ءۇيدى جوندەۋگە - 46,4 ميلليون تەڭگە (376 ادام)؛

- وتىنمەن قامتاماسىز ەتۋگە - 136,1 ميلليون تەڭگە (3,7 مىڭ ادام)؛

- قوعامدىق كولىكتە جەڭىلدىكپەن جۇرۋگە - 740,7 ميلليون تەڭگە (133,9 مىڭ ادام)؛

- كومەكتىڭ باسقا تۇرلەرىنە - 3498,8 ميلليون تەڭگە (134,0 مىڭ ادام).

ايتا كەتسەك، ەلىمىزدە 2 ميلليوننان استام زەينەتكەر تۇرادى. ءار ازاماتتىڭ لايىقتى قارتتىق شاعىن قامتاماسىز ەتۋگە قامقورلىق جاساۋ - الەۋمەتتىك ساياساتتىڭ باستى مىندەتتەرىنىڭ ءبىرى.

سوڭعى جاڭالىقتار