+7 (701) 759 90 19
-8 °С : نۇر-سۇلتان
-9 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

قازاقستاندا 200 دەن استام ادام ەرىكتى تۇردە كوروناۆيرۋسقا قارسى ۆاكسينا سالدىرادى

6 تامىز 16:25
:ءبولىسۋ
قازاقستاندا 200 دەن استام ادام ەرىكتى تۇردە كوروناۆيرۋسقا قارسى ۆاكسينا سالدىرادى

نۇر- سۇلتان. قازاقپارات - COVID-19-دى تاراتپاۋ جونىندەگى ۆەدومستۆوارالىق كوميسسيا بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ COVID-19 قارسى ۆاكسينا ازىرلەۋ بارىسىمەن تانىستىردى، دەپ حابارلايدى قازاقپارات ءتىلشىسى.

2020 -جىلدىڭ 23 - ناۋرىزىندا COVlD-19-عا شالدىققان العاشقى پاتسيەنتتەن پاتولوگيالىق ماتەريال الىنىپ، ءبىر اپتادان كەيىن ينستيتۋت عالىمدارى SARS- CoV-2 ۆيرۋسىن ءبولىپ شىعاردى. 2020 -جىلدىڭ 9 - مامىرىندا COVlD-19-عا قارسى كانديتات يناكتيۆتەلگەن ۆاكسينا ازىرلەۋ بويىنشا جۇمىس اياقتالىپ، ونىڭ حاتتاماسى دۇنيەجۇزىلىك دەنساۋلىق ساقتاۋ ۇيىمىنا جىبەرىلدى. 15- مامىردا د د س ۇ الدىن الا تەكسەرۋدەن كەيىن ونى كلينيكاعا دەيىنگى سىناققا جىبەرىلگەن كانديات ۆاكسينالار تىزىمىنە قوسىپ، ۆاكسينا جانە ازىرلەۋشى تۋرالى اقپاراتتى رەسمي سايتىندا ورنالاستىردى.

2020 -جىلدىڭ 15 - مامىرىندا زەرتحانالىق تىشقان، سيريالىق اتجالمان، تەڭىز شوشقاسى، كۇزەن جانە ءۇي قويانىنا كانديدات ۆاكسينانى كلينيكاعا دەيىنگى سىناق باستالدى. كلينيكاعا دەيىنگى سىناق ۆاكسينانىڭ د د س ۇ رەگلامەنتتەگەن بارلىق پارامەترلەر، اتاپ ايتقاندا ۋىتتىلىعى، دەرت تۋىنداتۋشىلىعى، اللەرگەندىلىگى، يممۋنوگەندىگى بويىنشا د د س ۇ تالاپتارىنا جانە قازاقستان رەسپۋبليكاسىنىڭ مەملەكەتتىك فارماكوپياسىنا ساي كەلەتىندىگىن كورسەتتى.

2020 -جىلدىڭ 6 - شىلدەسىندە ۆاكسينا ق ر د س م ۇلتتىق دارىلىك زاتتاردى ساراپتاۋ ورتالىعىنا بەرىلدى. ورتالىق بۇعان دەيىن بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى العان ۆاكسينانى كلينيكاعا دەيىنگى سىناق ناتيجەلەرىنىڭ جاڭعىرتىلاتىندىعىن قۋاتتادى. 2020 -جىلدىڭ 10- شىلدەسىندە بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى ۆاكسينانى مايمىلعا (ماكاكا رەزۋس) سىناقتان وتكىزۋدى باستادى. lg М, lg G انتيدەنە ءتيترى جەتىنشى كۇندە 3,5 10Q (جوعارى كورسەتكىش) بولعان ەدى.

دۇنيەجۇزىلىك دەنساۋلىق ساقتاۋ ۇيىمىنىڭ تالابىنا سايكەس، 2020 -جىلدىڭ 13- تامىزىندا ماكاك- رەزۋستان انتيدەنەنىڭ كەمىندە 7 log بولۋى ءتيىس سوڭعى ءتيترىن انىقتاۋ جوسپارلانىپ وتىر. بۇل جوعارى يممۋنوگەندىك كورسەتكىش سانالادى. 2020 -جىلدىڭ 26 - شىلدەسىندە ۆاكسينانىڭ 5 ازىرلەۋشىسى ءتىرى ۆيرۋسپەن جۇمىس ىستەۋ بارىسىندا قاۋىپسىزدىكتەرىن قامتاماسىز ەتۋ ءۇشىن ەرىكتى تۇردە ۆاكسينانى وزدەرىندە سىنادى . بىرنەشە تاۋلىك وتكەننەن كەيىن ولاردىڭ وزدەرىن سەزىنۋى جاقسى ، دەنە قىزۋى مەن اللەرگياسىى جوق.

كلينيكاعا دەيىنگى سىناق 2020 -جىلدىڭ 20 - تامىزىندا اياقتالىپ، ناتيجەسى ق ر دەنساۋلىق ساقتاۋ مينيسترلىگىنە بەرىلەدى. ق ر دەنساۋلىق ساقتاۋ مينيسترلىگىنەن رۇقسات الىنعاننان كەيىن 2020 -جىلدىڭ 20 - قىركۇيەگىندە الماتى قالاسىنداعى كلينيكانىڭ بازاسىندا COVID-19-عا انتيدەنەسى جوق 44 ەرىكتىگە كلينيكالىق سىناق (1- فازا) باستالاتىندىعى كۇتىلەدى. 2020 -جىلدىڭ قازان ايىنىڭ ورتاسىندا دۇنيەجۇزىلىك دەنساۋلىق ساقتاۋ ۇيىمىنىڭ تالاپتارىنا ساي كەلەتىن 200 ەرىكتىگە كلينيكالىق سىناق وتكىزۋدىڭ Ⅱ فازاسىنا شىعۋ جوسپارلانعان. كلينيكالىق سىناقتىڭ Ⅱ فازاسى 2020 -جىلدىڭ جەلتوقسان ايىندا اياقتالۋى ءتيىس.

كوپتەگەن ەلدىڭ (قىتاي، ا ق ش، رەسەي) تاجىريبەسىن جانە حالىقتى ۆاكسينامەن قامتاماسىز ەتۋ قاجەتتىگىن قاپەرگە الا وتىرىپ، كلينيكالىق سىناق فازاسىنىڭ سانىن 4-تەن 2-گە دەيىن قىسقارتۋ قاراستىرىلىپ جاتىر. بۇل د د س ۇ تالاپتارىنا قايشى بولمايدى. كانديدات ۆاكسينانىڭ كلينيكالىق سىناق ناتيجەلەرىن د د س ۇ راستاعان جاعدايدا قازاقستان ينستيتۋتى جانىنداعى قۇرىلىس جۇمىستارى جۇرگىزىلىپ جاتقان يممۋنوبيولوگيالىق پرەپاراتتار ءوندىرىسى زاۋىتى ۆاكسينا شىعارۋعا دايىن. زاۋىتتىڭ جوبالىق قۋاتى جىلىنا 60 ميلليون دوزانى قۇرايدى. قۇرىلىس جۇمىسى 2020 -جىلدىڭ جەلتوقسانىندا اياقتالادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات