تۇركيادا كوروناۆيرۋس جۇقتىرعاندار سانى 200 مىڭنان استى

انكارا. انادولى - قازاقپارات - بۇگىنگە دەيىن تۇركيادا 176965 پاتسيەنت كوروناۆيرۋس ينفەكتسياسىنان جازىلىپ شىقتى، دەپ ءمالىم ەتتى بەيسەنبى كۇنى ەلدىڭ دەنساۋلىق ساقتاۋ ءمينيسترى فاحرەتتين كودجا ءوزىنىڭ Twitter پاراقشاسىندا.

بۇل تۋرالى قازاقپارات انادولى اگەنتتىگىنە سىلتەمە جاساپ حابارلايدى.

ۆەدومستۆو باسشىسىنىڭ ايتۋىنشا، سوڭعى تاۋلىكتە تۇركيادا تاعى 12 ادام COVID-19 ۆيرۋسىنان كوز جۇمعان. ەلدە اۋرۋدان قايتىس بولعاندار سانى 5167 ادامعا جەتتى. مينيستر كوروناۆيرۋس جۇقتىرۋدىڭ تىركەلگەن جاعدايلارىنىڭ جالپى سانى 202284 ەكەنىن، تاعى 1186 ناۋقاستىڭ تەستى وڭ ناتيجە كورسەتكەنىن اتاپ ءوتتى.

دەنساۋلىق ساقتاۋ مينيسترلىگى باسشىسىنىڭ مالىمەتىنشە، وتكەن تاۋلىكتە COVID-19 ۆيرۋسىنىڭ بار-جوعىن تەكسەرەتىن 49714 تەست جاسالعان. ال اۋرۋ باستالعالى بەرى 3,48 ميلليون تالداۋ الىنعان.