11:48, 27 - مامىر 2020 | GMT +6
برازيليادا 200 گە جۋىق كولۋمبيالىق اۋەجايدا ءومىر سۇرۋگە ءماجبۇر
نۇر-سۇلتان. قازاقپارات - برازيليادا 200 گە جۋىق كولۋمبيالىق ءبىر اپتادان بەرى ەلدەرىنە ورالا الماي وتىر، دەپ حابارلايدى «حابار 24».
وعان كوروناۆيرۋسكە بايلانىستى ەلدە ورناعان كۇردەلى جاعداي سەبەپ. بىرنەشە كۇن بويى بوتەن ەلدە تۇراقتاۋعا تۋرا كەلگەن ازاماتتار قازىر اقشاسىز قالعان. سوندىقتان جولاۋشىلار اۋەجاي عيماراتىندا ءومىر سۇرۋگە ءماجبۇر. اراسىندا ميگرانتتار مەن ستۋدەنتتەر دە بار. ايتا كەتەيىك، سوڭعى مالىمەت بويىنشا برازيليادا 376 مىڭنان استام ادام ۆيرۋس جۇقتىرعان. 24 مىڭعا جۋىق ازامات قايتىس بولدى.