قاراعاندىدا كوروناۆيرۋستان كوز جۇمعان نوتاريۋس 200 اداممەن بايلانىستا بولعان

نۇر -سۇلتان. قازاقپارات - قاراعاندىدا كوروناۆيرۋسقا شالدىققان ناۋقاستاردىڭ ىندەتتى كىمنەن جۇقتىرعانى بەلگىلى بولدى.

COVID-19 التى ادامنان انىقتالدى. ونىڭ ۇشەۋى - كوروناۆيرۋستان قايتىس بولعان ادامنىڭ وتباسى مۇشەلەرى. ولاردىڭ بارلىعى ينفەكسيالىق بوكسقا جاتقىزىلدى.

قايتىس بولعان پاتسيەنتپەن 204 ادام بايلانىستا بولعان. ونىڭ ىشىندە 54 ى پروۆيزورلىق جانە كارانتيندىك ستاتسيونارلارعا جاتقىزىلدى، 150 ى ءۇي كارانتينىندە.

سونداي-اق، بۇگىن كارانتيندىك ستاتسيوناردا جاتقان ەكى پاتسەنتتەن كوروناۆيرۋس تابىلدى. تاعى ءبىرى ءۇي كارانتينىندە جاتقان ادامنان انىقتالدى. وسىعان بايلانىستى ەپيدەميولوگيالىق تەرگەۋ ءجۇرىپ جاتىر. اۋرۋ جۇقتىرۋشىنىڭ كىممەن بايلانىستا بولعانى انىقتالۋدا.

قاراعاندى وبلىسىندا بارلىعى 627 ادام تاۋلىك بويى باقىلاۋدا. ولار - 1ا جانە 1ب ساناتىنداعى (يتاليا، فرانتسيا، يسپانيا، يران، گەرمانيا، ءۇندىستان، تايلاند، مالايزيا، ب ا ءا، شري-لانكا، مىسىر) ەلدەردەن كەلگەندەر نەمەسە اۋرۋ جۇقتىرۋشى تۇلعالارمەن بايلانىستا بولعاندار. 1087 ادام ءۇي كارانتينىندە جاتىر.

قاراعاندىدا 21 ادامنان كوروناۆيرۋس ينفەكسياسى راستالدى، سونىڭ ىشىندە ءبىر ادام كوز جۇمدى.

ەسكە سالايىق، بۇعان دەيىن تەمىرتاۋدا كوروناۆيرۋستان كوز جۇمعان نوتاريۋستىڭ كليەنتتەرى اۋرۋ جۇقتىردىق دەپ قورقىپ جۇرگەنى ايتىلعان ەدى.

Stan.kz