كرۋيزدىك لاينەرىندەگى 200 گە جۋىق ادامدى كوروناۆيرۋسىنا بايلانىستى ەلسىز ارالعا جىبەردى

نۇر-سۇلتان. قازاقپارات - World Dream كرۋيزدىك كەمەسىندەگى 200 گە جۋىق يندونەزيالىق ازامات، ەكيپاج مۇشەلەرى COVID-19 كوروناۆيرۋسىنا بايلانىستى كارانتيننەن ءوتۋ ءۇشىن ادام تۇرمايتىن سەبارۋ ارالىنا (دجاكارتانىڭ بولىگى) جىبەرىلدى، دەپ حابارلايدى قازاقپارات Jakarta Post باسىلىمىنا سىلتەمە جاساپ.

ەكيپاج مۇشەلەرىن اسكەري-تەڭىز گوسپيتالىنىڭ ارنايى كەمەسىمەن جەتكىزگەن.

يندونەزيالىق Jakarta Globe گازەتىنىڭ حابارلاۋىنشا، سەبارۋدى ەلسىز ارالعا جاتقىزۋعا بولادى. ول جاقتا تۇرعىندار جوق، ءبىراق دەمالىس پەن ەمدەلۋگە جاقسى جاعداي جاسالعان. بۇرىن وندا ەسىرتكىگە تاۋەلدى ادامدارعا ارنالعان وڭالتۋ ورتالىعى بولعان.

يندونەزيا دەنساۋلىق ساقتاۋ مينيسترلىگى وكىلىنىڭ ايتۋىنشا، كرۋيزدىك لاينەردە 270 ەل ازاماتى، ەكيپاج مۇشەسى بولعان. ءبىراق ولاردىڭ 188 ى عانا ارالدا كارانتيننەن وتۋگە كەلىسىم بەردى. باسقالارى كەمەدە قالدى.