+7 (701) 759 90 19
0 °С : نۇر-سۇلتان
8 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

التى جاسار شەرحان 200 مەملەكەتتىڭ استاناسى مەن حالقىنىڭ سانىن جاتقا بىلەدى

17 اقپان 09:31
:ءبولىسۋ
التى جاسار شەرحان 200 مەملەكەتتىڭ استاناسى مەن حالقىنىڭ سانىن جاتقا بىلەدى

قىزىلوردا. قازاقپارات - قىزىلوردا وبلىسى قازالى اۋدانىنداعى №226-ورتا مەكتەپتىڭ ءبىرىنشى سىنىپ وقۋشىسى شەرحان جاقسىبەرگەن ەرەكشە قابىلەتىمەن ەلدى تاڭعالدىرۋدا.

جاس ورەن الەمدەگى 200 مەملەكەتتىڭ استاناسىن، حالقىنىڭ سانى مەن جەر كولەمىن جاتقا ايتادى، دەپ حابارلايدى قازاقپارات ءتىلشىسى.

نەبارى 6 جاستاعى شەرحاننىڭ گەوگرافياعا قىزىعۋشىلىعى جوعارى. سوندىقتان ساباقتان بوس ۋاقىتىن گلوبۋس پەن كارتا الدىندا وتكىزەدى. ول مەكتەپ تابىلدىرىعىن بىلتىر عانا اتتاعان. ەرەكشە قابىلەتى 5 جاسىندا بايقالا باستاعان. ول پلانشەت پەن سمارتفوننان كوپتەگەن مەملەكەتتەردىڭ تۋى مەن انىقتاماسىن مۇقيا قاراپ، جاتتاپ وتىرعان. ونىڭ مۇنداي قابىلەتى مەكتەپكە كەلگەننەن كەيىن ۇستازدارىن ءتانتى ەتتى. العاشقى سىنىپتا وقيتىنىنا قاراماستان، ول گەوگرافيالىق ءبىلىمى جونىنەن جوعارى سىنىپتا وقيتىن بالالارمەن باسەكەگە تۇسە الادى.

«بەس جاسىندا ول گلوبۋس پەن كارتا ساتىپ الىپ بەرۋگە ءوتىنىش جاسادى. ءبىز ونىڭ قابىلەتىن سوندا بايقادىق. سول كەزدىڭ وزىندە جۇزگە تارتا مەملەكەتتىڭ استاناسىن جاتقا بىلەدى ەكەن»، - دەيدى اناسى التىن ورىناليەۆا.

ۇستازدار بالاقايدىڭ ءبىلىمىن تەكسەرىپ كورگەن. اتاپ ايتقاندا، ينتەراكتيۆتى تاقتاعا اتتارى جازىلماعان كوپتەگەن مەملەكەتتىڭ تۋلارىن ورنالاستىرعان. كىشكەنتاي شەرحان بولسا، ەش مۇدىرمەستەن ولاردىڭ بارلىعىن دۇرىس تاۋىپ شىققان.

«بولاشاقتا گەوگراف بولعىم كەلەدى. كارتادا كورسەتىلگەن مەملەكەتتەردىڭ بارلىعىن ارالاپ كورسەم دەگەن ارمانىم بار»، - دەيدى شەرحان.

جاس دارىن اتالمىش پاننەن بايقاۋلارعا قاتىسقىسى كەلەدى. سەبەبى، ءبىلىم باسەكەلەرىندە توپ جارارىنا سەنىمدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات