+7 (701) 759 90 19
-6 °С : نۇر-سۇلتان
-1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

الماتىدا 200 مىڭعا جۋىق اعاش وتىرعىزۋ جوسپارلاندى

14 اقپان 13:45
:ءبولىسۋ
الماتىدا 200 مىڭعا جۋىق اعاش وتىرعىزۋ جوسپارلاندى

الماتى. قازاقپارات - الماتى قالاسى مەدەۋ اۋدانىندا 200 مىڭعا جۋىق اعاش وتىرعىزۋ جوسپارلاندى. بۇل تۋرالى اۋدان اكىمى سۇلتانبەك ماكەجانوۆ ءمالىم ەتتى، دەپ حابارلايدى قازاقپارات ءتىلشىسى.

2019 -جىلى 15-تامىزدا ۇ ە ۇ مەن قالا بەلسەندىلەرىنىڭ قاتىسۋىمەن وتكەن قالانى كوگالداندىرۋ جيىنىندا الماتى اكىمى باقىتجان ساعىنتايەۆ ءۇش جىلدىق Jasyl Almaty جوباسىنىڭ جۇزەگە اسىرىلۋىن قامتاماسىز ەتىپ، 2022 -جىلعا دەيىن ميلليون اعاش وتىرعىزۋدى تاپسىردى.

وسىعان بايلانىستى مەدەۋ اۋداندىق اكىمدىگى «مەدەۋ-2023» ستراتەگيالىق جوسپارىن دايىنداپ جاتىر. وندا اۋداندى دامىتۋعا ارنالعان بارلىق باعىت قاراستىرىلعان، ونىڭ ىشىندە كوگالداندىرۋ، قورشاعان ورتانى قورعاۋ مەن ەكولوگيا ماسەلەلەرى دە بار.

«جوسپار اياسىندا ءۇش جىلدا 180-200 مىڭ اعاش وتىرعىزۋدى جوسپارلاپ وتىرمىز. اعاش وتىرعىزۋعا ارنالعان ورىن مەن لوكاتسيانى انىقتاپ قويدىق. بىلتىر جاسىل ەكونوميكا باسقارماسى كوك- توبە اۋماعىندا 100 مىڭعا جۋىق بۇتا مەن كوشەت وتىرعىزدى»، - دەدى س. ماكەجانوۆ.

بريفينگ كەزىندە كوشەت وتىرعىزۋعا شىعىس اينالما جولى، حالىق ارەنا اۋماعى، جاربۇلاق، ەسەنتاي، كىشى الماتى وزەندەرىنىڭ ماڭىنان، سونىمەن قاتار بۋتاكوۆكادان ارنايى جەرلەر بولىنەتىنى ايتىلدى. مەدەۋ اۋدانىن دامىتۋ جوسپارى اياسىندا اۋداندا ورنالاسقان وزەن اۋماقتارىن اباتتاندىرۋ جۇمىستارى جۇرگىزىلەدى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات