ۇلتتىق بانك 200 تەڭگەلىك مونەتانى اينالىمعا شىعاردى
«مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2018-جىلعى 12 - جەلتوقسانداعى 804№ جارلىعىمەن بەكىتىلگەن ۇلتتىق ۆاليۋتا - قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ورىندالدى. بيكولورلى اينالىستاعى مونەتالار ديزاينىنىڭ ستيليستيكاسىندا شىعىس جانە باتىس مادەنيەتتەرىنىڭ كوركەمدىك ەلەمەنتتەرىنىڭ ۇيلەسىمى كورىنىس بەرەدى»، - دەپ حابارلايدى ۇلتتىق بانك.
بيكولورلى اينالىستاعى مونەتالاردىڭ سيپاتى: مونەتالاردىڭ سىرتقى ساقيناسى نەيزيلبەردەن جاسالعان، ىشكى ديسكى نيكەلدى جەزدەن دايىندالعان. قىرى تەگىس جانە بەدەرلى سەكتورلارمەن كەزەكتەسىپ وتىراتىن 16 ويىقپەن بەدەرلەنگەن.
مونەتالاردىڭ سىرت جاعىندا ورتالىق بولىگىندە قر مەملەكەتتىك ەلتاڭباسى، اينالدىرا ەميتەنت ەلدى بىلدىرەتىن «QAZAQSTAN RESPفBLIKASY» دەگەن جازبا بەينەلەنگەن. مونەتانىڭ تومەنگى جاعىندا سوعىلعان جىلىن بىلدىرەتىن «2020» دەگەن جازۋ بار.
مونەتالاردىڭ بەت جاعىندا (اۆەرسىندە) ورتالىق بولىگىندە نومينالىن بىلدىرەتىن جانە نومينال سيفرىنىڭ كەسكىنىن قايتالايتىن كولدەنەڭ سىزىقتار بەدەرى اياسىندا ورىندالعان «200» دەگەن جازۋ بار. مونەتانىڭ جوعارعى جانە تومەنگى بولىكتەرىندە - تىك سىزىقتار تۇرىندە ورىندالعان ويۋ-ورنەك كەسكىندەرى. مونەتانىڭ تومەنگى بولىگىندە - تارامدالعان سىزىقتار اياسىندا ورىندالعان، ۇلتتىق ۆاليۋتانىڭ ماتىندىك اتاۋىن بىلدىرەتىن «TEŃGE» دەگەن جازۋ. مونەتانىڭ سول جاق بولىگىندە QAZAQSTAN ULTTYQ BANKI ەميتەنت بانكتى بىلدىرەتىن «QUB» اببريەۆياتۋراسى بار. مونەتانىڭ وڭ جاق بولىگىندە - قازاقستان تەڭگە سارايىنىڭ تاۋار بەلگىسى (لوگوتيپ) كورسەتىلگەن.
تەحنيكالىق سيپاتتامالارى:
مەتال قۇرامى: نەيزيلبەر/نيبراسس
ماسساسى: 7,5 گرام
ديامەترى: سىرتقى ساقيناسى - 26 م م، ىشكى ديسكى - 18,3 م م
قالىڭدىعى - 1,90 م م
قىرى: 16 ويىقتار.
ايتا كەتۋ كەرەك، نومينالى 200 (ەكى ءجۇز) تەڭگەلىك بانكنوتتار زاڭدى تولەم قۇرالى بولىپ قالادى جانە اينالىستان تابيعي توزۋ بويىنشا الىنادى.