قىتايدا پنيەۆمونيانىڭ جاڭا تۇرىمەن اۋىرعاندار سانى 200 گە جۋىقتادى

بەيجىڭ. قازاقپارات - ۋحان قالاسىندا (ق ح ر، حۋبەي پروۆينتسياسى) جەكسەنبى كۇنى كوروناۆيرۋستىڭ جاڭا ءتۇرى قوزدىرعان پنيەۆمونيانى جۇقتىرعان ادامدار سانى 200 گە جۋىقتادى، دەپ حابارلايدى قازاقپارات ءتىلشىسى جەرگىلىكتى دەنساۋلىق ساقتاۋ ورگانىنا سىلتەمە جاساپ.

وكپە قابىنۋىنان كوز جۇمعاندار سانى وسۋدە.

«19- قاڭتار 22:00 ۋاقىتىمەن (بەيجىڭ ۋاقىتىمەن) ۋحان قالاسىندا كورونوۆيرۋستىڭ جاڭا ءتۇرى قوزدىرعان پنيەۆمونيامەن اۋىرعاندار سانى 198 گە جەتكەن. ولاردىڭ 25 ءى اۋرۋحانادان شىعارىلدى، ۇشەۋى كوز جۇمدى، 170 ادام مەديتسينالىق مەكەمەلەردە ەم الىپ جاتىر. 35 ادامنىڭ جاعدايى ناشار، 9 ى اۋىر حالدە، 126 ادامدا اۋرۋدىڭ جەڭىل ءتۇرى انىقتالدى»، - دەلىنگەن دەنساۋلىق ساقتاۋ ىستەرى بويىنشا مۋنيتسيپالدىق كوميتەتتىڭ حابارلاماسىندا.

كوروناۆيرۋستىڭ جاڭا ءتۇرى ەڭ العاش بەيجىڭ قالاسىنىڭ وڭتۇستىگىندەگى داسين اۋدانىندا تىركەلگەن. ەكى ناۋقاس تا جاڭا كوروناۆيرۋس ءتۇرىن ۋحان قالاسىنا بارعاننان كەيىن جۇقتىرعان.

ەسكە سالساق، بۇعان دەيىن قىتايدا پنيەۆمونيانىڭ جاڭا ءتۇرى ءورشىپ بارا جاتقانى تۋرالى حابارلاعان بولاتىنبىز .