مەديتسينالىق الەۋمەتتىك ساقتاندىرۋ قورىنا 200 ميلليارد تەڭگە جينالدى
«قازىرگى تاڭدا مىندەتتى الەۋمەتتىك مەديتسينالىق ساقتاندىرۋ بويىنشا جۇمىس بەرۋشىلەر الەۋمەتتىك مەديتسينالىق ساقتاندىرۋ قورىنا ءار جۇمىسشىنىڭ جالاقىسىنان 1,5 پايىز تولەپ وتىر. كەلەسى جىلدان باستاپ 2 پايىز تولەيدى. قازىرگى تاڭدا الەۋمەتتىك مەديتسينالىق ساقتاندىرۋ قورىنا 200 ميلليارد تەڭگە جينالدى. بۇل اقشا 1 - قاڭتاردان باستاپ تەگىن مەديتسينالىق قىزمەتتەردى قارجىلاندىرۋ ءۇشىن پايدالانىلادى. تەگىن مەديتسينالىق قىزمەتتەرگە جاڭا ايتىلعان قاراجاتپەن بىرگە كەلەسى جىلدان باستاپ ءار ازامات ءوزىنىڭ جالاقىسىنان 1 پايىز تولەيدى. قوسىمشا 1 پايىز ءوزىمىز تولەپ، 2 پايىزدى جۇمىس بەرۋشى تولەسە، 3 پايىزدىق قاراجات قورعا جينالىپ، كەلەسى جىلى جالپى مەديتسينالىق ساقتاندىرۋعا 600 ميلليارد تەڭگە جۇمسالادى»، - دەدى ەلجان ءبىرتانوۆ.
ءمينيستردىڭ ايتۋىنشا، كەلەسى جىلى الەۋمەتتىك مەديتسينالىق ساقتاندىرۋ قورىنا مەملەكەت تاراپىنان 1 تريلليون تەڭگە اۋدارىلادى.
«سونىمەن، 1,6 تريلليون تەڭگە تەگىن مەديتسينالىق كومەك كورسەتۋگە جىبەرىلەدى. ءبىزدىڭ ويىمىزشا، سول كەزدە كوپتەن كۇتكەن تەگىن مەديتسينالىق كومەكتىڭ ءتۇرىن كوبەيتۋگە مۇمكىندىك تۋادى. تاريفتەردى كوتەرۋ نەگىزىندە مەديتسينالىق قىزمەت بەرۋشىلەردىڭ جاعدايى جاقسارىپ، 1 - قاڭتاردان باستاپ دارىگەرلەردىڭ ايلىعىنا 30 پايىزدىق ۇستەمەاقى قوسىلادى»، - دەدى ەلجان ءبىرتانوۆ.
اۆتور: ايان بەكەن ۇلى