+7 (701) 759 90 19
-4 °С : نۇر-سۇلتان
-5 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ەلوردادا 200 پەداگوگ جەتىسپەيدى

22 تامىز 22:48
:ءبولىسۋ
ەلوردادا 200 پەداگوگ جەتىسپەيدى

نۇر-سۇلتان. قازاقپارات - استانادا پەداگوگتار جەتىسپەۋشىلىگى ماسەلەسىن شەشۋ ءۇشىن قوسىمشا گرانتتار بولىنەدى، دەپ حابارلايدى قازاقپارات ءتىلشىسى.

«ەلوردادا شامامەن 200 پەداگوگ جەتىسپەيدى. بۇل سيفردى قىسقارتۋ ءۇشىن جانە مۇعالىمدەردىڭ بىلىكتىلىگىن ارتتىرۋ ءۇشىن جۇمىس ىستەپ جاتىرمىز. ماسەلەن، پەداگوگيكالىق قۇرامدى ازىرلەۋ ءۇشىن مىڭنان استام گرانت بولدىك»، - دەدى ەلوردا اكىمى التاي كولگىنوۆ قازمەديا ورتالىعىندا وتكەن ق ر ب ع م پلەنارلىق وتىرىسىندا.

ونىڭ ايتۋىنشا، بۇل تۇلەكتەر ءۇش-ءتورت جىلدان كەيىن پەداگوگتار قاتارىن تولىقتىرادى. سونىمەن بىرگە، استانا اكىمدىگى مەن نازاربايەۆ زياتكەرلىك مەكتەپتەرى اراسىندا پەداگوگتاردىڭ بىلىكتىلىگىن كوتەرۋ بويىنشا ۋاعدالاستىق بار.

«گۋمانيتارلىق كوللەدج بازاسىندا كوللەدجدەر مەن ۋنيۆەرسيتەتتەردىڭ ۇزدىكسىز ءبىلىم بەرۋ جۇيەسى قۇرىلعان. بۇل جىل سايىن جاڭا فورماتتاعى مىڭنان استام وقىتۋشىنى ازىرلەپ شىعارۋعا مۇمكىندىك بەرەدى. ونىڭ ۇستىنە، وزگە ەلدەرمەن سەرىكتەستىك ارقىلى فينليانديا، مالايزيا، قىتاي، رەسەي سىندى مەملەكەتتەردىڭ وقىتۋ تاجىريبەسىن ۇيرەنە الامىز»، - دەدى التاي كولگىنوۆ.

بۇعان دەيىن التاي كولگىنوۆ جاڭا مەكتەپ قۇرىلىسىنا جەكە ينۆەستورلار تارتىلاتىنىن ايتقان ەدى.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات