جىل باسىنان بەرى ەلورداعا 200 مىڭعا جۋىق تۋريست كەلگەن

None
None
نۇر-سۇلتان. قازاقپارات - ۇستىمىزدەگى جىلدىڭ 1- توقسانىندا نۇر-سۇلتان قالاسىنا 186 مىڭ تۋريست كەلگەن.

بۇل تۋرالى قالالىق ءماسليحاتتىڭ وتىرىسىندا بەلگىلى بولدى، دەپ حابارلايدى قازاقپارات ءتىلشىسى.

«2019-جىلدىڭ 1- توقسانىندا ەلورداعا 186 مىڭ تۋريست كەلدى. ونىڭ 30 پايىزى شەتەلدىك تۋريست. وتكەن جىلعى كورسەتكىش 790 مىڭ ادامدى قۇرادى. سونىمەن قاتار، ن. نازاربايەۆ حالىقارالىق اۋەجايىنداعى جولاۋشىلار اعىمى 5,8 پايىزعا ارتىپ نەمەسە 4,5 ميلليون ادامعا كوبەيدى. حالىقارالىق اۋە رەيستەرىندە قىزمەت كورسەتىلگەن شەتەلدىك مەيمانداردىڭ سانى 1,8 ميلليون ادامعا جەتتى»، - دەدى نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمىرزايەۆ قالالىق ءماسليحاتتىڭ وتىرىسىندا جاساعان ءوز بايانداماسىندا.

ونىڭ ايتۋىنا قاراعاندا، بيىل ەلىمىزدىڭ باس قالاسى ت م د ەلدەرى ىشىندە ساياحات جاساۋ ءۇشىن ءجيى تاڭدالاتىن ۇزدىك 5 قالانىڭ قاتارىنا ەندى.

«2020-جىلى ەلورداعا جىلىنا 1 ميلليون ءتۋريستى تارتۋ ماقساتى قويىلىپ وتىر. وزدەرىڭىز بىلەتىندەي قازىرگى ۋاقىتتا قالانىڭ 2050-جىلعا دەيىنگى دامۋ ستراتەگياسى ازىرلەنىپ جاتىر. ونىڭ ىشىندە تۋريزم سالاسى جەكە باعىت بولىپ قاراستىرىلعان. سول سياقتى رەبرەندينگ، ياعني قالا اتاۋىنىڭ وزگەرۋى دە ءوز اسەرىن تيگىزەدى دەگەن ويدامىز. جانە ەلورداعا كەلەتىن تۋريستەردى 1-2 كۇننەن 3-4 نەمەسە ودان دا كوپ كۇنگە قالۋى جولىنداعى ناقتى شارالار قولعا الىنادى. بۇگىنگى كۇنى نۇر-سۇلتانعا كەلەتىن تۋريست قالادا ورتاشا ەسەپپەن 1,5 كۇنگە توقتالادى»، - دەيدى ول.

ونىڭ مالىمدەۋىنشە، تۋريزم سالاسىنىڭ ساراپشىلارى ەلوردادا ىسكەرلىك، مەديتسينالىق جانە قالالىق تۋريزمدى دامىتۋ كەرەك دەگەن باستامانى العا تارتۋدا.

«ىسكەرلىك تۋريزمدى دامىتۋ الەمنىڭ كوپتەگەن ەلدەرىندە باسىم باعىتتاردىڭ ءبىرى بولىپ تابىلادى. اتالعان تۋريزم سالاسىن دامىتۋعا قانداي دا ءبىر تابيعي رەسۋرستار نەمەسە تەڭىزگە شىعۋدى تالاپ ەتپەيدى. مىسالى، ەكسپو اۋماعىنداعى عيماراتتار مەن كونگرەسس-حولل ورتالىعى باس قالامىزدا حالىقارالىق دەڭگەيدەگى ىسكەرلىك شارالاردى جوعارى دەڭگەيدە وتكىزۋگە مۇمكىندىك بەرەدى»، - دەدى ە. بەكمىرزايەۆ.

باسقارما باسشىسىنىڭ سوزىنە سەنسەك، وتكەن جىلى نۇر-سۇلتان قالاسىندا ءتۇرلى باعىتتاعى 700 گە جۋىق ءىس-شارا وتكىزىلدى. جانە جىل ساناپ ەلوردادا وتەتىن ءىس-شارالاردىڭ سانى 10 پايىزعا كوبەيىپ وتىر.

«ال ۇستىمىزدەگى جىل باستالعالى 5 ايدىڭ ىشىندە ەلوردادا ءارتۇرلى ماسشتابتاعى 300 گە جۋىق ءىس-شارا ءوتتى جانە 2025-جىلعا دەيىن استانادا كەمىندە 30 حالىقارالىق دەڭگەيدەگى ءىس-شارا وتكىزۋ جوسپاردا بار»، - دەدى ول.

سوڭعى جاڭالىقتار