ارىستا يەسىز قالعان 200 گە جۋىق باس مال كۇزەتكە الىندى
تۇركىستان وبلىسىنىڭ اكىمدىگىنەن حابارلاعانداي، ارىس ايماعىنا تۇركىستان وبلىستىق پوليتسيا دەپارتامەنتىنىڭ 448 قىزمەتكەرى، اسكەري پوليتسيانىڭ 10 قىزمەتكەرى، №0358 اسكەري ءبولىمىنىڭ 200 اسكەري قىزمەتشىسى، 75 ارنايى اۆتوكولىك جۇمىلدىرىلعان.
سونىمەن قاتار ۇلتتىق ۇلاننىڭ №6506 اسكەري ءبولىمىنىڭ 580 اسكەري قىزمەتشىسى، 36 اۆتوكولىگى تارتىلعان.
حالىقتى قاۋىپسىز جەرگە كوشىرۋ ءۇشىن جول تالعامايتىن 10 «ۋرال» كولىگى اتتاندىرىلدى.
ق ر قورعانىس مينيسترلىگىنە قاراستى 1800 اسكەري قىزمەتشى جۇمىس ىستەۋدە.
ايتا كەتەيىك، كەشە ۇلتتىق ۇلان ساربازدارى 3 ۇرىنى ۇستاسا، بۇگىن پوليتسيا قىزمەتكەرلەرى 4 ۇرلىق دەرەگىن اشكەرەلەدى.
ارىس اۋماعىنا كىرۋدىڭ الدىن الۋ ماقساتىندا قالانى اينالا 20 بەكەت قويىلعان.
پوليتسيا دەپارتامەنتىنىڭ قىزمەتكەرلەرى ق ر قورعانىس مينيسترلىگىنىڭ قىزمەتشىلەرىمەن بىرىگە وتىرىپ ارىستاعى ءقاۋىپ ايماعىنان سناريادتاردى ميناسىزداندىرۋ جۇمىستارىن جۇرگىزدى. ناتيجەسىندە 130 سنارياد زارارسىزداندىرىلدى.