ليتۆا ۋنيۆەرسيتەتتەرى قازاقستاندىقتار ءۇشىن 200 دەن استام گرانت ءبولدى

استانا. قازاقپارات - الماتى مەن شىمكەنت قالالارىندا ليتۆا ۋنيۆەرسيتەتتەرىنىڭ اقپاراتتىق سەسسياسى وتەدى، دەپ حابارلايدى قازاقپارات «حالىقارالىق باعدارلامالار ورتالىعى» ا ق سايتىنا سىلتەمە جاساپ.

وندا قازاقستاندىقتار ليتۆاداعى ج و و- لاردا باكالاۆريات جانە ماگيستراتۋرا باعدارلامالارى، وقۋعا ءتۇسۋ ءۇردىسى، گرانت پەن ستيپەنديا جونىندە بىلە الادى. سونداي-اق، گرانتقا وقۋعا تۇسكەندەردىڭ اراسىنان الەۋمەتتىك جاعدايى تومەن ستۋدەنتتەرگە اي سايىن بەرىلەتىن ستيپەنديا قاراستىرىلماق.

شىمكەنت قالاسىنداعى كەزدەسۋ جاستار رەسۋرستىق ورتالىعىندا (مومىش ۇلى كوشەسى 4) 11- ناۋرىزدا ساعات 10:00 دە وتەدى.

الماتى قالاسىنداعى كەزدەسۋ 13- ناۋرىزدا ساعات 10:00 دە ۇلتتىق كىتاپحانادا (اباي داڭعىلى 14) ۇيىمداستىرىلادى.

ايتا كەتەرلىگى، قازاقستاننىڭ باسقا قالالارى مەن ايماقتارىنداعى ۇمىتكەرلەر قۇجاتتارىن ليتۆانىڭ جوعارى وقۋ ورىندارىنىڭ رەسمي سايتتارىنا 1- اقپانىنان باستاپ جولداۋى كەرەك.