20:56, 06 - اقپان 2019 | GMT +6
قورعاستا 200 كەلى يەسىز ءدارى- دارمەك تابىلدى
استانا. قازاقپارات - قورعاستاعى شەكاراشىلار ەكى سەنتنەردەن استام يەسىز ءدارى-دارمەك تاپتى، دەپ حابارلايدى ۇ ق ك باسپا ءسوز قىزمەتى.
«قورعاس» شەكارا بەكەتى جاساعىنىڭ شەكاراشىلارى جۇكتى حالىقارالىق شەكارا ىنتىماقتاستىق ورتالىعىنىڭ اۋماعىن تەكسەرۋ كەزىندە ق ر-عا كىرەتىن زالدان تاپقان.
«جالپى سالماعى 209 كەلىدەن استام جۇكتىڭ ىشىنەن قىتاي وندىرگەن دارىلىك زاتتار شىقتى. زاڭسىز تاۋاردىڭ يەسى شەكاراشىلاردىڭ جاقىنداعانىن كورىپ، ادامداردىڭ اراسىمەن بىلدىرمەي كەتىپ قالۋى مۇمكىن. ول تابىلعان جوق. تاۋار اكت بويىنشا «التىنكول» شەكارا بەكەتىنىڭ قىزمەتكەرلەرىنە بەرىلدى»، - دەلىنگەن حابارلامادا.