13:35, 17 - قاڭتار 2019 | GMT +6
قازاقستاندىقتار 200 كەلىدەن استام التىن ساتىپ العان
الماتى. قازاقپارات - ق ر ۇلتتىق بانكى قازاقستاندىقتاردىڭ قانشا التىن قۇيما ساتىپ العانىن جاريا ەتتى، دەپ حابارلايدى قازاقپارات ءتىلشىسى.
«قازاقستاندا ۇلتتىق بانكتىڭ اففيناجدى تازا التىن قۇيمالارىن ساتۋ- ساتىپ الۋ باعدارلاماسى 2017 -جىلدىڭ مامىرىندا قولعا الىنعان بولاتىن. باعدارلاما باستالعالى بەرى جالپى سالماعى 222,3 كەلى بولاتىن 5924 قۇيما ساتىلعان. ونىڭ ىشىندە ەكىنشى دەڭگەيلى بانكتەر ارقىلى سالماعى 216,7 كەلى بولاتىن 5 770 قۇيما ساتىلدى» ، - دەلىنگەن ۇلتتىق بانكتىڭ قازاقپارات ءتىلشىسى ساۋالىنا بەرگەن رەسمي جاۋابىندا.
ال ايىرباستاۋ ورىندارى بىلتىر جىل سوڭىندا باعدارلاماعا قوسىلعان بولاتىن. ولار 810 گرامم بولاتىن 37 قۇيما ساتتى.