الماتىدا « گاككۋ » داۋىسىنىڭ مەرەيتويىنا 200 مىڭ ادام جينالدى
بەسىنشى رەت وتكەن Gakku داۋىسى فەستيۆالىنە قازاقستاندىق ەسترادا جۇلدىزدارىنىڭ بارلىعى قاتىسىپ، ءتىرى داۋىستا ءان شىرقادى. بيىل 6 ساعاتقا سوزىلعان مۋزىكالىق مارافونعا الماتىداعى ەسكى الاڭدا 200 مىڭ ادام جينالدى.
الماتىدا Gakku داۋىسىنىڭ مەرەيتويىنا 200 مىڭ ادام جينالدى « Gakku داۋىسى-2018» قازاقستان مۋزىكاسىنىڭ فەستيۆالى الماتى اكىمدىگىنىڭ قولداۋىمەن ءوتتى. جاڭا انشىلەر، تانىمال جۇلدىزدار مەن ەرەكشە دۋەتتەر ءبىر ساحنادا ءان شىرقادى. فەستيۆالدىڭ باعدارلاماسىنا 65 ءارتىس پەن ۇجىم، 30 ءبيشى قاتىستى. كورەرمەندەر 85 مۋزىكالىق ءنومىردى تاماشالادى. شوۋدى الۋا قوناروۆا، بايان الاگوزوۆا، تيمۋر بالىمبەتوۆ پەن نۇرجان ەركىن ۇلى جۇرگىزدى.
ەركە ەسماحان، Ninetyone توبى، Ziruza، ديلناز احماديەۆا، جانار دۇعالوۆا، دانەليا تولەشوۆا وزدەرىنىڭ ۇزدىك اندەرىن شىرقادى.
جاندى مۋزىكا فەستيۆالىندە ەشقانداي توسىن وقيعا بولعان جوق. الەۋمەتتىك جەلىدە تاراعان قاۋەسەتتەردى ت ج ك جوققا شىعاردى.