قىرعىزستانداعى كوشپەندىلەر ويىندارىنا 200 دەن استام قازاقستاندىق قاتىسادى
حاتشىلىقتا الداعى III دۇنيەجۇزىلىك كوشپەندىلەر ويىندارىنا الەمنىڭ 53 ەلىنەن 1 مىڭ 946 سپورتشى قاتىساتىنىن جەتكىزدى.
الدىن الا مالىمەتكە سايكەس، III دۇنيەجۇزىلىك كوشپەندىلەر ويىندارىنا قاتىسۋعا ەڭ كوپ ءوتىنىش بىلدىرگەن قىرعىزستان بولعان. ەلدىڭ سپورتشىلار قۇرامى 458 ادامنان تۇرادى. رەسەي فەدەراتسياسى 235 اداممەن ەكىنشى ورىندا تۇر. قازاقستاننان 195 سپورتشى قاتىسادى. وزبەكستان - 108، پاكىستان - 91، يران - 92، تۇرىكمەنستان - 65، ءۇندىستان - 64، اۋعانستان - 62، ا ق ش - 58، تاجىكستان - 55، ۋكراينا - 46، قىتاي - 37، شري- لانكا - 34، موڭعوليا - 21، فرانسيا - 19، پولشا 23 سپورتشىدان اكەلەدى. بەلارۋس پەن بولگاريانىڭ ءارقايسىسىن 17 سپورتشى تانىستىرادى. قالعان مەملەكەتتەردەن 16 عا جۋىق ادام قاتىسادى.
قاتىسۋشىلار سپورتتىڭ 37 تۇرىنەن سايىسقا تۇسەدى. ولاردىڭ قاتارىندا قازاق حالقىنىڭ ۇلتتىق سپورت ءتۇرى - قازاق كۇرەسى بار.
بارلىعى 594 مەدال (174 التىن، 173 كۇمىس جانە 247 قولا). III دۇنيەجۇزىلىك كوشپەندىلەر ويىندارىنىڭ جالپى جۇلدە قورى 26 ميلليون سومنان اسادى. ويىندار 2018-جىلى 2-8- قىركۇيەك ارالىعىندا ىستىقكولدىڭ جاعاسىندا وتەدى.
اتالمىش ويىنداردىڭ جابىلۋ سالتاناتىندا دۇنيەجۇزىلىك كوشپەندىلەر ويىندارىن وتكىزۋ قۇقىعى وزگە ەلگە بەرىلەدى. الايدا ۇيىمداستىرۋشىلار ازىرگە كەلەسى ويىندار قاي مەملەكەتتە وتەتىنىن جاريا ەتپەي وتىر. بۇعان دەيىن اتالمىش شارا تەك قىرعىزستاننىڭ اۋماعىندا عانا وتكىزىلگەن. كەلەسى ويىنداردى ۇيىمداستىرۋعا ۇمىتكەر ەلدەردىڭ قاتارىندا قازاقستان، ازەربايجان جانە تۇركيا كوش باستاپ تۇر.