07:38, 15 - تامىز 2018 | GMT +6
قىزىلوردادا 200 دەن استام شەتەلدىك ەلدەن قۋىلدى
قىزىلوردا. قازاقپارات - قىزىلوردا وبلىسىندا جىل باسىنان بەرى كوشى-قون زاڭىن بۇزعان 212 شەتەلدىك ەل اۋماعىنان شىعارىلدى، دەپ حابارلايدى قازاقپارات ءتىلشىسى.
وبلىستىق ءى ءى د باسپا ءسوز قىزمەتىنىڭ مالىمەتىنشە، 7 ايدا وبلىس اۋماعىنا ءتۇرلى ماقساتپەن كەلگەن 27 مىڭنان استام شەتەل ازاماتى ۋاقىتشا تىركەۋگە الىنعان. ونىڭ ىشىندە 25184 ءى ت م د ەلدەرىنەن بولسا، ال 1896 ى الىس شەت ەلدەن كەلگەندەر.
«اكىمشىلىك كودەكستىڭ 517-بابى بويىنشا زاڭ تالاپتارىن بۇزعان 3307 شەتەلدىك انىقتالىپ، اكىمشىلىك جاۋاپكەرشىلىككە تارتىلدى. اكىمشىلىك جولمەن رەسپۋبليكا اۋماعىنان 212 شەتەلدىك شىعارىلدى»، - دەلىنگەن دەپارتامەنت حابارلاماسىندا.
ولارعا 9,1 ميلليون تەڭگە اكىمشىلىك ايىپپۇل سالىنعان. سونداي-اق، وڭىردە جىل باسىنان 10391 شەتەلدىكتىڭ ەڭبەگى زاڭداستىرىلدى.