كولىكتەگى پوليتسيانىڭ 200 قىزمەتكەرى ماراپاتتالدى
مەرەكە قۇرمەتىنە وراي شاراعا كولىكتەگى پوليتسيانىڭ جەكە قۇرامى شەرۋلىك اسكەري كيىممەن كەلدى. سالتاناتتى شارانىڭ مەيماندارى رەتىندە ىشكى ىستەر ورگاندارىنىڭ ارداگەرلەرى مەن قىزمەت بابىندا قازا تاپقان ءتارتىپ ساقشىلارىنىڭ تۋىستارى كەلدى.
«ماڭگىلىك ۇمىتىلماس ەسىمدەر» داڭق ەسكەرتكىشىنە گۇل قويۋ سالتاناتىن كولىكتەگى ءى ءى د باستىعى امانجول قابىلوۆ جۇرگىزدى. الاڭعا جينالعان كولىك سالاسىنداعى قۇقىق قورعاۋشىلار وتان الدىنداعى مىندەتىن اتقارۋ جولىندا قازا تاپقان قاتارلاستارىن ءبىر مينۋت ۇنسىزدىكپەن ەسكە الدى.
«وتكەن جىلداردىڭ قيىندىعىنا قاراماستان، ءبىز ىشكى ىستەر ورگاندارىنىڭ قۋاتتى جۇيەسىنىڭ تۇراقتى ىرگەتاسىن قالاي بىلدىك. قانشا ۋاقىت وتسە دە ءبىزدىڭ مىندەت بۇرىنعىشا قالادى - ول قوعامدىق قۇقىقتىڭ قورعالۋى، ازاماتتاردىڭ مۇددەلەرى مەن ومىرلەرىن قورعاۋ. دەسە دە ءبىزدىڭ ماقسات شىڭىنا شىعۋىمىز استە وڭايعا تۇسپەي جاتادى»، - دەيدى امانجول قابىلوۆ.
ونىڭ ايتۋىنشا، قىزمەتتىك پارىزىن اتقارۋ كەزىندە كولىكتەگى پوليتسيا قىزمەتكەرلەرىنىڭ 11 ى اجال قۇشقان.
«ءبىز بۇگىن بەيبىت ۋاقىتتا قازاقستاندىقتاردىڭ قاۋىپسىزدىگى مەن تىنىشتىعى ءۇشىن جانىن بەرگەن ازاماتتاردى قۇرمەتپەن ەسكە الامىز»، - دەدى پوليتسيا پولكوۆنيگى.
امانجول قابىلوۆ سونىمەن قاتار، ءى ءى ب ارداگەرلەرىنە جاس قىزمەتكەرلەردى تاربيەلەگەنى جانە ىشكى ىستەر ورگاندارىنىڭ ىزگى ءداستۇرىن جالعاستىرعانى ءۇشىن العىسىن ءبىلدىردى.
سالتاناتتى شارا بارىسىندا ءوزىنىڭ ەڭبەكقورلىعىمەن جانە قىزمەتىنە ادالدىعىمەن ماقتاۋعا لايىق قىزمەتكەرلەردىڭ ەسىمدەرى اتالدى. ولاردىڭ قاتارىندا جەدەل قىزمەتكەرلەر مەن تەرگەۋشىلەر، قىلمىستىق پوليتسيا قىزمەتكەرلەرى مەن انىقتاۋشىلار، تاعى باسقا ءتارتىپ ساقشىلارى بار.
شارا كەزىندە كوپشىلىك الدىندا ءى ءى ب ارداگەرلەرى دە ءسوز سويلەدى.
«بۇل ءومىردىڭ وزىندەي ۇزاق قىزمەت. سىزدەردىڭ ەڭبەكتەرىڭىز ءاردايىم ازاماتتاردىڭ قۇرمەتىمەن اتالىپ وتەدى. انتقا بەرىك بولا وتىرىپ، قىلمىسقا قارسى كۇرەستە جىگەر مەن ەرلىكتى تانىتىپ، سىزدەر وزدەرىڭىزدىڭ قىزمەتتەرىڭىزدى ادالدىقپەن اتقاراتىندارىڭىزعا سەنەمىن»، - دەدى ق ر ءى ءى م قۇرمەتتى ارداگەرى جۇمابەك جاقسىلىقوۆ.
سالتاناتتى شارا بارىسىندا كولىكتەگى ءى ءى ب-نىڭ 59 ارداگەرىنە لايىقتى ماراپات تاپسىرىلدى. سونىمەن بىرگە، مەرەيتويلىق مەدالمەن جانە العىس حاتتارمەن دەپارتامەنت جەكە قۇرامىنىڭ 200 قىزمەتكەرى ماراپاتتالدى.