قازاقستاندا ۇ ب ت- نى اعىلشىن تىلىندە تاپسىرۋعا 200 تۇلەك ءوتىنىش بەردى

استانا. قازاقپارات - قازاقستاندا وسى جىلى تۇڭعىش رەت ۇلتتىق ءبىرىڭعاي تەستىلەۋدى اعىلشىن تىلىندە تاپسىرۋعا رۇقسات بەرىلەتىن بولدى.

بۇل تۋرالى و ك ق- دا وتكەن باسپا ءسوز ءماسليحاتىندا ق ر ءبىلىم جانە عىلىم ۆيتسە- ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

بيىل ۇلتتىق ءبىرىڭعاي تەستىلەۋ 167 ورتالىقتا، اتاپ ايتقاندا ج و و بازاسىندا 48، كوللەدجەر اراسىندا 3، مەكتەپتەر بازاسىندا 116 ورىندا وتكىزىلمەك.

«2018 -جىلى ۇ ب ت 15- رەت وتكىزىلەدى. 2004 -جىلدان باستاپ، 14 جىلدىڭ ىشىندە وعان 1 ميلليون 600 مىڭ ادام قاتىسقان. جىلدار وتە كەلە تەستىلەۋ جۇرگىزۋ تەحنولوگياسى ۇنەمى جەتىلدىرىلىپ وتىراتىندىعىن اتاپ ايتقىمىز كەلەدى»، - دەدى اسحات ايماعامبەتوۆ.

ۇ ب ت- عا قاتىسۋ ءۇشىن وتىنىشتەردى قابىلداۋ وسى جىلدىڭ 10 - ناۋرىزىنان 10 - مامىرىنا دەيىن جۇزەگە اسىرىلادى. تەستىلەۋ اعىمداعى جىلدىڭ 20 - ماۋسىمىنان 1 - شىلدەسىنە دەيىن وتەدى. ۇ ب ت 5 ءپان بويىنشا جۇرگىزىلەدى: 3 مىندەتتى جانە تاڭدالعان ماماندىعىنا سايكەس، 2 پروفيلدى ءپان.

«ەڭ باستىسى ءبىزدىڭ ايتقىمىز كەلەتىنى - بيىل فورمات وزگەرمەيدى. ءبىراق، قالاي بولسا دا كەيبىر جاڭاشىلدىقتار بار. ەڭ بىرىنشىدەن، بۇل - اعىلشىن ءتىلى ماسەلەسى. بىزگە الدىڭعى جىلدان باستاپ وتە كوپ ءوتىنىش كەلىپ ءتۇستى. سوندىقتان، بيىل اعىلشىن تىلىندە ۇ ب ت- نى تاپسىرۋعا مۇمكىندىك بەرىپ وتىرمىز. جالپى، ۇ ب ت وتكىزۋ ءۇشىن تەستتەر بۇگىنگى كۇنى دايىن. ءبىر اپتا بۇرىن 200-گە تارتا تۇلەك اعىلشىن تىلىندە تاپسىرامىن دەپ ءوتىنىش بەرگەن بولاتىن. ارينە، بۇل كورسەتكىش كۇننەن كۇنگە وزگەرەدى. ءالى دە مۇنداي وتىنىشتەر بولادى دەپ ويلايمىز»، - دەدى اسحات ايماعامبەتوۆ.

اۆتور: ايان بەكەن ۇلى