+7 (701) 759 90 19 Лента
22 °С : استانا
29 °С : الماتى
USD 338.78 EUR 392.82
RUB 5.35 CNY 52.62
جاڭالىقتار

ءبىر ليتر بەنزينمەن 200 شاقىرىم: الماتىلىق ستۋدەنتتەر بىرەگەي اۆتوموبيل قۇراستىردى

15 اقپان 18:57 530
:ءبولىسۋ
ءبىر ليتر بەنزينمەن 200 شاقىرىم: الماتىلىق ستۋدەنتتەر بىرەگەي اۆتوموبيل قۇراستىردى

 استانا. قازاقپارات - SatbayevUniversity ينجەنەرلەرى 1 ليتر بەنزينمەن 200 شاقىرىمنان استام جول جۇرەتىن بىرەگەي جارىس ماشيناسىن قۇراستىردى، دەپ حابارلايدى قازاقپارات،

ق. ساتپايەۆ اتىنداعى قازاق ۇلتتىق زەرتتەۋ تەحنيكالىق ۋنيۆەرسيتەتىنىڭ باسپا ءسوز قىزمەتىنە سىلتەمە جاساپ.

«بۇگىن قانىش ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتى قابىرعاسىندا SURacingTeam ستۋدەنتتەر كومانداسىنىڭ iSUPrototype 1.0. ءاۆتوموبيلىنىڭ تانىستىرىلىمى ءوتتى. اتالعان ءپروتوتيپتىڭ بىرەگەيلىگى سول، كولىك ەكولوگيالىق تازا وتىن ءتۇرى - ەتانولمەن جۇرەدى. بۇل وتىن قانت قۇراعىن، جۇگەرىنى نەمەسە قىزىلشانى وڭدەۋ ارقىلى الىنادى. ال بوليدتىڭ بىرەگەي قوزعالتقىشى 1 ليتر بەنزينمەن 200 شاقىرىمنان استام قاشىقتىقتى ەڭسەرۋگە مۇمكىندىك بەرەدى» ، - دەپ جازدى SatbayevUniversity.


ءبىر ليتر بەنزينمەن 200 شاقىرىم: الماتىلىق ستۋدەنتتەر بىرەگەي اۆتوموبيل قۇراستىردى
 ءبوليدتى (جارىس ماشيناسى) SatbayevUniversity ەرىكتى ستۋدەنتتەرى 3 ايدا قۇراستىرعان. ماشينانىڭ موتورى Hondaaf55e قوزعالتقىشى نەگىزىندە جاسالعان. الايدا، ءاربىر بولشەگىن وزگەرتىپ، بوليدكە قاجەت سيپاتتامالارعا بەيىمدەۋگە تۋرا كەلگەن. قاڭقاسى ارنايى ديۋراليۋميني قۇبىرلاردان، ال كورپۋسى - شىنى پلاستيكتەن جاسالعان. جۇرگىزۋشى ورنى الدىنداعى شىنى پوليكاربوناتتان جابىلعان.

 اتالعان پروتوتيپ قولدانىستاعى وتىن تۇرلەرىن دامىتۋ، جاڭا تۇرلەرىن تابۋ ماقساتىنداعى جىل سايىنعى مارافونعا قاتىسۋ ءۇشىن قۇراستىرىلعان. وندا 1 ليتر جانارمايمەن ۇزاعىراق قاشىقتىققا جۇرەتىن اۆتوموبيل جەڭىسكە جەتەدى. مارافون 1939 -جىلدان بەرى دەترويت، لوندون، سينگاپۋر، ريو- دە- جانەيرو قالالارىندا وتكىزىلىپ كەلەدى. بيىل ءبىرىنشى تۋرنير سينگاپۋردە 8-11 ناۋرىز كۇندەرى وتپەك.


ءبىر ليتر بەنزينمەن 200 شاقىرىم: الماتىلىق ستۋدەنتتەر بىرەگەي اۆتوموبيل قۇراستىردى
 «ءبىزدىڭ مىندەتىمىز - قازاقستانداعى اۆتوموبيل قۇراستىرۋ ءىسىن دامىتۋ. سونداي- اق، ەلىمىزدە وتىننىڭ ەكولوگيالىق تازا تۇرلەرىنە كوبىرەك كوڭىل بولىنگەنىن قالايمىز. ءبىزدىڭ بوليد عانا ەمەس، جازدا وتكەن EXPO-2017 كورمەسى دە بولاشاقتا تازا وتىن تۇرلەرىنە باسىمدىق بەرىلەتىنىن كورسەتتى» ، - دەيدى SU Racing Team كومانداسىنىڭ كاپيتانى الىبەك سامات ۇلى.


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات