ديماش قۇدايبەرگەننىڭ نيۋ-يوركتەگى كونسەرتىنە تاعى 2000 قوسىمشا بيلەت ساتىلاتىن بولدى
قازاقستاندىق ءانشىنىڭ كونسەرتىنە بيلەتتەر 13- قىركۇيەكتە ساتىلا باستاعان، 1,5 اي ىشىندە ديماشتىڭ جانكۇيەرلەرى بارلىق 7000 بيلەتتى ساتىپ العان. ونىڭ 75 پايىزى - امەريكالىقتار. بۇل - ديماش تالانتىنىڭ جارقىن كۋاسى، سونداي-اق ءانشىنىڭ شىعارماشىلىعى بەلگىلى ءبىر مادەني شەڭبەردەن تىس امبەباپ جانە ءارتۇرلى ۇلت پەن ۇلىستاردىڭ جۇرەگىنەن ورىن العانىنىڭ جارقىن ۇلگىسى.
وسىنداي جانكۇيەرلەر تاراپىنان كورسەتىلگەن قىزىعۋشىلىققا وراي، TIcketmaster.com سايتىندا ديماشتىڭ الداعى كونسەرتىنە فان-زونا مەن شەتكى قاتارلاردان تاعى 2000 بيلەت ساتىلىمى اشىلدى.
دەمەك، شوۋعا بيلەت الىپ ۇلگەرمەگەندەر ءۇشىن تاعى مۇمكىندىك بار. ديماشتىڭ لوندوندا وتكەن كونسەرتىندە دە وسىنداي انشلاگ بولعان. Indigo at the O2 كونسەرت زالى ورىنداۋشىنىڭ العاشقى جەكە كونسەرتىنە الەمنىڭ 45 ەلىنەن 4600 كورەرمەنگە ورىن تارتۋ ەتتى.
قازاقستان رەسپۋبليكاسىنىڭ مادەنيەت جانە سپورت مينيسترلىگى ۇيىمداستىرعان كونسەرت قازاقستاننىڭ ا ق ش- تاعى مادەنيەت كۇندەرىندەگى ەرەكشە شارا بولماق. تارتىمدى شوۋ باعدارلاماسى مەن ءانشىنىڭ ەلىتەر ساحنالىق وبرازدارىن قازاقستاندىق جاس ماماندار توبى دايىندادى.
قازاقستاندىق تالانتتى ازاماتتاردىڭ ورتاق جۇمىسى - «Arnau tour ENVOY» باعدارلاماسىن ەگجەي-تەگجەيلى ويلاستىرىلۋىنا ىقپال ەتتى: مۋزىكالىق سۇيەمەلدەۋ، تاقىرىپتىق فوتوسەسسيا، اڭداتپا ديزاينى، بيمەن سۇيەمەلدەۋ جانە تاعى باسقا.
جاسالعان جۇمىستىڭ ناتيجەسىن جۇرتشىلىق 2019-جىلدىڭ جەلتوقسانىندا كورە الادى. نۇر-سۇلتان قالاسىندا وتكەن «ARNAU» كونسەرتىنىڭ جاڭارعان نۇسقاسى. جاڭا باعدارلامادا ۇزدىك ساتتەر توپتاستىرىلىپ، جاڭا ءان، جاڭا نومىرلەرمەن تولىقتىرىلدى. امەريكالىق كورەرمەندەر ARNAU باعدارلاماسىنىڭ ۇزدىك پىكىرگە يە بولعان جانە بۇكىل الەمدەگى جانكۇيەرلەر قولدانعان كەيبىر نومىرلەرىن جاڭا نۇسقادا كورە الادى.
نيۋ-يورك ساحناسىندا وتەتىن شوۋدىڭ كورەرمەندەرى ءۇشىن ديماش قازاق مۋزىكاسىنىڭ بەينەسى، ەلشىسى، بۇكىل الەم بويىنشا ەلىمىزدىڭ مادەنيەتىن كوتەرەتىن بولادى. ديماش قازاق، اعىلشىن، ورىس پەن قىتاي تىلىندە جاڭا جانە ەسكى حيتتەردى ورىنداماق.
ايتا كەتەيىك، ءانشى ديماش قۇدايبەرگەن ا ق ش- تىڭ نيۋ-يورك قالاسىندا وتكەن رەسەيلىك ءانشى يگور كرۋتويدىڭ مەرەيتويلىق شوۋىنا قاتىسقانىن جازعان بولاتىنبىز.
Massaget.kz