ق ر سپورت جانە مادەنيەت مينيسترلىگى دەنيس تەن جايىندا تارالىمى 2000 دانا كىتاپ شىعارادى
«ءبىز دەنيس تۋرالى بارلىق ماعلۇماتتاردى جيناستىرىپ، اتالمىش كىتاپتى ءبىر ءتۇننىڭ ىشىندە شىعاردىق. ونى سىرعاناۋشىمەن قوشتاسۋ ءراسىمى كەزىندە بارىس- ارەنادا تاراتتىق. سونداي- اق، قوسىمشا اقپارات جيناقتاپ، 2000 دانا تارالىممەن شىعارۋدى جوسپارلاپ وتىرمىز، - دەدى مينيسترلىكتىڭ باسپا ءسوز حاتشىسى ايدار قىرىقباي.
ونىڭ ايتۋىنشا، قايعىلى جاعدايدا قازا تاپقان قازاقستاندىق سپورتشىنىڭ ءومىرى جايىندا جازىلعان ەڭبەك ءار ءتۇرلى جەرلەردە تاراتىلاتىن بولادى.
«اۋداندىق، اۋىلدىق، وڭىرلىك، وبلىستىق دەڭگەيدە تاراتۋ ويىمىزدا بار. رەسپۋبليكالىق ماڭىزى بار قالالاردىڭ كىتاپحانالارىنا دا جەتكىزەمىز. سونداي- اق، كىتاپتاردى ءبىزدىڭ مەكەمەگە قاراستى سپورت مەكتەپتەرىنە تاراتۋدى جوسپارلاپ وتىرمىز»، - دەدى ا. قىرىقباي.
باسپاءسوز حاتشىسى كىتاپتىڭ 10 بەتى دەنيس تەنمەن قوشتاسۋ كەزىندە تانىمال وتانداستارىمىز ايتقان سوزدەرمەن تولىعاتىنىن جەتكىزدى.
«ەرتەڭ بارلىعىن دايىنداپ، سوڭىنا جەتكىزەمىز دەپ وتىرمىز. ارينە، تۋىندىنى كىتاپحانالاردان دا الىپ وقۋعا بولادى. سونداي- اق، ق ر مادەنيەت جانە سپورت مينيسترلىگىنىڭ رەسمي سايتىنان ەلەكتروندىق نۇسقادا قاراپ شىعۋعا جاعداي جاسالعان»، - دەدى ا. قىرىقباي.
ەسكە سالايىق، 19 - شىلدە كۇنى دەنيس تەن كولىك ۇرىلارىنىڭ شابۋىلى سالدارىنان كوپ قان جوعالتىپ، اۋرۋحانادا قازا تاپتى.
الماتى قالاسىنىڭ ءى ءى د دەنيس تەننىڭ ولىمىنە كۇدىكتى ەكى ازاماتتى ۇستادى.