+7 (701) 759 90 19
16 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

ماڭعىستاۋدا 200 ەلدىڭ استاناسىن جاتقا ايتاتىن 6 جاسار بالا تۇرادى

25 مامىر 11:07
:ءبولىسۋ
ماڭعىستاۋدا 200 ەلدىڭ استاناسىن جاتقا ايتاتىن 6 جاسار بالا تۇرادى

اقتاۋ. قازاقپارات - ماڭعىستاۋلىق جىگەر بەرىكباي ۇلى 200 ەلدىڭ استاناسىن جاتقا ايتادى. 6 جاسار ءبۇلدىرشىن 1 ايدىڭ ىشىندە مەڭگەرىپ العان، دەپ حابارلايدى قازاقپارات ءتىلشىسى.

جىگەر بەرىكباي ۇلى وتباسىمەن ماڭعىستاۋدىڭ مۇنايلى اۋدانىندا تۇرادى. №9 مەكتەپتىڭ 1-سىنىپتا وقيدى. اجەسىنىڭ ايتۋىنشا، جىگەر تەك ەلدەردىڭ استاناسى عانا ەمەس، قاي جەردە ورنالاسقانىن دا مۇدىرمەي ايتا الادى.


«وعان قوسا، مۇحيتتار، ماتەريكتەر، ەۋروپا، ازيا امەريكا، افريكا قۇرلىقتارى تۋرالى بىلەدى. قىزىعۋشىلىعى كارانتين باستالعاندا بولدى. دەمالىس كەزىندە كورشى ءۇيدىڭ 5-سىنىپتا وقيتىن قىزىنان اتلاس كارتاسىن سۇراپ الىپ، وقىتايىن دەدىك. سولاي ءوزى ءارى قاراي عالامتوردان مەملەكەتتەر تۋرالى ىزدەنىپ، وقىپ كەتتى»، - دەيدى زيبا تاڭىربەرگەنوۆا.

اجەسى جىگەردىڭ 4 جاسىنان باستاپ وقۋعا ىنتاسى بار، زەرەك ەكەنىن بايقاپ، ءتۇرلى كىتاپتار ساتىپ الىپ بەرگەن. وسىلايشا، دارىندى بالاقاي ۇيدە ءوز بەتىنشە ساۋات اشادى. ماتەماتيكاعا دا قىزىعىپ، ەسەپتەر شىعارادى. ءبىر قىزىعى، بالاباقشاعا دا، العاشقى دايىندىق سىنىبىنا دا بارماعان. 1-سىنىپقا ءوز بەتىنشە مەڭگەرگەن بىلىمىمەن بىردەن قابىلدانعان. بوس ۋاقىتىندا جىگەر گادجەت، تەلەفون ۇستامايدى. دوپ ويناپ، اسىق اتادى. تەلەفوندى قولىنا ۇستاي قالسا، عالامتوردان دۇنيە ءجۇزىنىڭ كارتاسىن، ءار مەملەكەتتىڭ پرەزيدەنتتەرى تۋرالى اقپاراتتاردى، قانداي ەل، ول مەملەكەتتىڭ گەوگرافيالىق جانە ساياسي جاعدايى تۋرالى مالىمەتتەردى وقيدى.


«سونىمەن قاتار، اتلاستى قاراپ وتىرىپ، جانۋارلار تۋرالى دا اقپار ىزدەيدى. جوعالىپ بارا جاتقانى، وعان نە سەبەپ، نەمەن قورەكتەنەدى، ءبىر سوزبەن ايتقاندا بارلىعىن بىلۋگە ۇمتىلادى»، - دەيدى زيبا اجەي. 6 جاسار جىگەر ساياحاتشى بولۋدى ارماندايدى.


«بولاشاقتا ەل، جەر ارالاپ، اتا- انامدى بىرگە اپارۋدى ارماندايمىن. ماعان اسىرەسە، تابيعاتى سۇلۋ، تاۋلارى بيىك، جاپ- جاسىل شۆەيتساريا ۇنايدى. قازىر ءتىل ۇيرەنىپ ءجۇرمىن»، - دەيدى جىگەر.

قازىر زەرەك بالاقاي ورىس، اعىلشىن ءتىلىن مەڭگەرۋدە. اراب تىلىندەگى سۇرەلەردى، اللانىڭ 99 ەسىمىن جاتتاپ العان. مۇحاممەد پايعامباردىڭ ءومىر جولى تۋرالى وقىعاندى جاقسى كورەدى. ءبىر ەرەكشەلىگى، تەلەفوننان ويىن ويناپ، مۋلتفيلم كورۋگە قىزىعۋشىلىعى جوق. جىگەردىڭ اتا- اناسى بولاشاقتا ۇلىنان ۇلكەن ءۇمىت كۇتەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات