استانا اۆتوبۋستارىندا جاڭا تاريفتى جوسپارلاۋدا: قولما- قول 200 تەڭگە نەمەسە كارتامەن 120 تەڭگە
«قازىرگى ۋاقىتتا ەلوردانىڭ اۆتوبۋس پاركىندەگى ەلەكتروندى تولەم تەرمينالىن بارلىق جەرگە ەنگىزۋدىڭ سوڭعى كەزەڭىنە بايلانىستى قوعامدىق كولىكتەردىڭ تولەم قىزمەتىنە سارالانعان تاريفتى ەنگىزۋ ماسەلەسى قارالىپ جاتىر»، - دەپ حابارلادى باسپا ءسوز ءماسليحاتىندا «استانا LRT» ج ش س باسقارما ءتوراعاسى بەكمىرزا يگەنبەردينوۆ.
ونىڭ ايتۋىنشا، اتالعان شارا كولەڭكەدەگى اينالىمدى تومەندەتىپ، كەيىن اۆتوبۋس پاركتەرىن ۇلكەيتۋ مەن جاڭارتۋ، جول ءجۇرۋدىڭ جايلىلىق دەڭگەيىن ارتتىرۋعا جۇمسالاتىن تاسىمالداۋشىلاردىڭ قازىرگى تابىستارىن كوبەيتۋگە باعىتتالعان.
« Astra Platەلەكتروندى تولەم كارتاسى بويىنشا جول ءجۇرۋدىڭ ناقتى باعاسى 120 تەڭگە، ال قولما- قول اقشامەن 170-200 تەڭگە بولادى دەپ جوسپارلانۋدا. تۇرعىندار ءۇشىن وزىندىك قۇن مەن ناقتى تاريفتىڭ اراسىنداعى ايىرماشىلىقتى قىزمەت ساپاسىن ارتتىرۋ، اۆتوبۋستاردى كۇتۋ ۋاقىتىن ازايتۋ جانە تيىمدىلىكتىڭ وزگە دە ينديكاتورلارىن مىندەتتەي وتىرىپ، تاسىمالداۋشىلارعا سۋبسيديا بەرۋدىڭ ەسەبىندە جابۋ كوزدەلۋدە»، - دەدى بەكمىرزا يگەنبەردينوۆ.
ول ءوز سوزىندە تاريفتەر ق ر كولىك جانە كوممۋنيكاتسيالار ءمينيسترىنىڭ بۇيرىعىمەن بەكىتىلگەن، تۇراقتى باعدارلار بويىنشا جۇكتەر مەن جولاۋشىلاردى تاسىمالداۋ بويىنشا قىزمەت كورسەتۋ ەسەبى ادىستەمەسىنە سايكەس قارالعانىن اتاپ ءوتتى. اتالعان بۇيرىققا سايكەس، تاسىمالداۋدىڭ وزىندىك قۇنى ورتاشا ەسەپپەن بارلىق باعدار بويىنشا 301 تەڭگە قۇرايدى.
«جالپى، جول ءجۇرۋ باعاسىن كوتەرۋدىڭ باستى فاكتورى ديزەلدىك وتىن باعاسىنىڭ 40 پايىزعا، قاجەتتى قۇرال- جابدىقتاردىڭ باعاسى 2014 - جىلدان قاراعاندا 1,5-2 ەسەگە (سول كەزدە باعا 90 تەڭگە بولىپ بەكىتىلگەن) قىمباتتاۋى بولىپ وتىر. بۇعان قوسا اۆتوبۋس پاركتەرى قىزمەتكەرلەرىنىڭ ايلىق تولەماقى دەڭگەيىن ارتتىرۋ قاجەتتىلىگىنىڭ دە اسەرى بار. قازىرگى تاريف بويىنشا ونى جۇزەگە اسىرۋ مۇمكىن ەمەس. مىناعان نازار اۋدارا كەتۋ كەرەك: اتالعان اقپارات كەلىسىلۋ ساتىسىندا جانە جۋىق ارادا قوعامدىق كەڭەس پەن قالالىق ءماسليحات دەپۋتاتتارىنىڭ قاراۋىنا جولدانادى. دەپۋتاتتاردىڭ وي- پايىمىنىڭ ەسەبىمەن تۇپكىلىكتى شەشىم قابىلدانادى»، - دەدى «استانا LRT» باسشىسى.
اۆتور: ايان بەكەن ۇلى