08:20, 12 - مامىر 2021 | GMT +6
وتكەن عاسىردىڭ 20 -جىلدارى برودۆەيدە حيت بولعان Turkestan ءانىنىڭ پلاستينكاسى تابىلدى
نۇر- سۇلتان. قازاقپارات - 20 -جىلدارى امەريكادا حيت بولعان Turkestan مۋزىكالىق تۋىندىسىنىڭ پلاستينكاسى ا ق ش كونگرەسس كىتاپحاناسىنىڭ ارحيۆىنەن تابىلدى، دەپ حابارلايدى قازاقپارات.
بۇل جايىندا مالىمەت ەلباسى نۇرسۇلتان نازاربايەۆتىڭ Instagram پاراقشاسىندا جاريالاندى. ءسوزى - بوببي دجونس (Bobby Jones)، مۋزىكاسى - دجەك ستەرن (Jack Stern). ورىندايتىن - American Quartet توبى. اتالعان ءاننىڭ پلاستينكاسى ا ق ش كونگرەسس كىتاپحاناسىنىڭ ارحيۆىنەن تابىلعان.
بۇعان تۇركىستانداعى Farab كىتاپحاناسىنىڭ عىلىمي- زەرتتەۋ ەڭبەگىنىڭ ناتيجەسىندە قول جەتتى. ءتۇرلى مۇراعاتتىق دەرەكتەر بويىنشا، پلاستينكا 1906 -جىلى نەمەسە 1919 -جىلى جازىلعان بولۋى مۇمكىن. بۇل ءان 1919 -جىلى برودۆەي ءحيتى بولعان.