الەمنىڭ 20 ەلىندە 988 ادام كوروناۆيرۋس جۇقتىرعان
«2020 -جىلدىڭ 19 - اقپانىندا قىتايدا كوروناۆيرۋس ينفەكتسياسىنىڭ جاڭا ءتۇرىن جۇقتىرعاندار سانى 72528 گە جەتتى. ونىڭ ىشىندە 1868 ادام قايتىس بولدى. 12552 ادام جازىلىپ شىقتى. حۋبەي پروۆينتسياسىنىڭ 16 قالاسىندا كارانتين جاريالاندى. سونىمەن بىرگە، الەمنىڭ 20 ەلىندە 988 ناۋقاس انىقتالدى»، - دەدى ق ر د س م تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى نۇرقان ءسادۋاقاسوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
قازاقستان رەسپۋبليكاسى اۋماعىندا اۋرۋ جۇقتىرعاندار جوق.
ونىڭ ايتۋىنشا، قازىرگى ۋاقىتتا قىتايدا اۋرۋ جۇقتىرعاندار سانى ازايىپ كەلەدى. كۇن سايىن ناۋقاستار سانى ورتا ەسەپپەن %2,8 ارتادى.
بۇعان دەيىن ق ر باس سانيتارلىق دارىگەرىنىڭ قاۋلىسى شىققان ەدى . وعان سايكەس، كارانتين ءتارتىبىن بۇزعاندار ق ر اكىمشىلىك قۇقىقبۇزۋشىلىقتار كودەكسىنىڭ 462-بابىمەن جاۋاپكەرشىلىككە تارتىلادى.